Connect with us

Miguel Mansur: Gobierno ta promove competencia inhusto  y ta distorciona mercado

Caribe

Miguel Mansur: Gobierno ta promove competencia inhusto  y ta distorciona mercado


MiguelMansur

E denuncia haci recientemente door di Comercio Uni di Aruba (CUA) su presidente Frans Ponson, a hala atencion di Parlamentario Miguel Mansur di fraccion Accion21. El a manda un serie di pregunta pa Minister di Asuntonan Economico Geoffrey Wever y aki a tuma nota di un percepcion cu e tin cu gobierno ta promove competencia inhusto y distorciona e mercado tambe. Algo cu e ta haya inaceptabel.

CUA a expresa su preocupacion cu gobierno a permiti SETAR, cu tin un posicion monopolistico drenta mercado, cumprando un compania y competi cu sector priva. No a scucha nada concreto ainda di e denuncia aki haci.

MiguelMansur

Parlamentario Mansur cu a tuma nota, a manda un serie di pregunta na e minister concerni, mr. Geoffrey Wever.  “Pa medio di e carta aki suscrito kier a pidi sr. Presidente dirigi e siguiente dos (x10) preguntanan na Minister di Economia, Comunicacion y Desaroyo Sostenibel, sr. Geoffrey Wever. Suscrito ta desea di haya contesta por escrito riba su preguntanan,” el a bisa e Presidente di Parlamento, mr. Edgard Vrolijk.

New Picture 94

C.U.A. a vocifera nan preocupacion cu Setar N.V., un compania estatal, ta interveni y competi cu sector priva door di e.o. adkiri companianan priva. Mirando cu Setar N.V. ta gosa di un monopolio den cierto area,  esaki ta lanta preocupacion den comercio pero tambe cerca e fraccion Accion21. “E menasa pa competencia inhusto y posibel distorcion di mercado ta un posibel consecuencia negativo cu tin nos preocupacion,” Mansur ta bisa.

E ta pidi e mandatario pa comparti cu parlamento e maneho di Setar N.V. pa cumpra y competi den mercado contra companianan priva cu no ta gosa di un posicion di monopolio.

Y ta mustra cu durante tratamento di presupuesto 2024 a keda ilustra cu Setar N.V. tin un ‘return on capital’ di unicamente 4%, esaki ta hopi inferior na sector priva. Pa cual e ta pidi Minister Wever  comparti cu parlamento Setar N.V. su plan di transicion pa un miho return on capital y dentro di ki tempo ta kere cu esaki lo wordo logra.

E ta pidi pa comparti cu parlamento si e ta kere ta adecua cu un compania estatal cu ta gosa di monopolio den cierto mercado ta cumpra empresanan priva y expande den otro sector.

Tambe e ta señala cu contrario na Setar N.V., companianan priva mester produci un miho return on capital cu 4% (specialmente mirando cu inverti den bono di pais Aruba ta provee un return di 6,5%. E kier sa e ora si esaki ta competencia husto den opinion di e mandatario.

E kier sa for di e mandatario tambe Setar N.V. su strategia di cumpra ITP y si minister ta kere cu esaki ta distorciona competencia.

E ta puntra Minister Wever si e por aclaria si ainda ta maneho di gobierno pa unicamente traha cu Setar N.V. Si minister por comparti cu parlamento cua otro compania Setar N.V. ta negociando pa cumpra y den cua otro sector e empresa kier expande.

E parlamentario den su preguntanan ta mustra preocupacion cu door di e posicion special cu SETAR N.V. tin, pa cual otro companianan den sector priva lo ta desbentaha. “Minister ta kere cu Setar N.V. su adkisicion di ITP y sondea posibilidad pa cumpra otro por hiba na un situacion cu e ‘barriers to entry’ pa cierto industria lo bira inalcansabel pa otro companianan. Minister por comparti cu parlamento si el a reuni cu gremionan comercial desde cu Setar NV. a adkiri ITP. Y Minister por comparti cu parlamento ki cambio di maneho a tuma luga pa sigura un level playing field y evita distrocion di mercado.”

Mansur a manda e serie di pregunta siman pasa pa e presidente, kende lo mester informa e mandatario di esaki. Normalmente e mandatario tin tres siman pa contesta e preguntanan.





Source link

More in Caribe

A2Z ADMINISTRATION

AD

To Top