Connect with us

Miguel Mansur (Accion21): “Mi ta hopi optimista pa e decision di Hoge Raad”

Caribe

Miguel Mansur (Accion21): “Mi ta hopi optimista pa e decision di Hoge Raad”


” frameborder=”0″ allow=”autoplay” allowfullscreen>

Un di e personanan cu a biaha pa Hulanda pa presencia e veredicto den e caso di matrimonio di mesun sexo ta parlamentario Miguel Mansur. E parlamentario tambe tabata un di esnan cu a entrega e concepto di ley pa matrimonio di mesun sexo na Parlamento di Aruba y cu durante dos votacion a keda pega, cu ta haci cu no por trat’e mas.

P’esey e decision di Corte Supremo riba diabierna, 12 di juli, pa 9:00 AM ta uno hopi importante. Ya Abogado General di Corte Supremo a duna su conseho caba y esaki ta cu e ta di acuerdo cu e decision di Hof riba e tema aki, tuma na december, di aña 2022. E decision ey ta bisa cu prohibi matrimonio di mesun sexo na Aruba y Corsou ta bay contra Constitucion.

HY3A6746

Mansur a bisa cu su expectativa cu Casacion lo bay di acuerdo cu e conseho di Abogado General. E no ta mira cu nan lo por haya un espacio den Constitucion pa permiti discriminacion. “E ta importante pa tur nos ciudadanonan wordo trata igual, cu e mesun derechonan riba tur tereno. Nos Constitucion ta hopi cla riba esaki. Mi ta hopi optimista pa cu e decision di diabierna. Kisas mañan mes igualdad matrimonial lo bira ley di pais Aruba.”

Mansur a haya informacion cu lo tin varios politico activo cu lo ta presente durante lesamento di e decision den Hoge Raad diabierna mainta. E ta importante pa Hulanda, pasobra nan mes a aproba e ley aki na 2001 caba. E islanan BES tin’e desde 2010. “Pues di e banda ey nos ta basta atras y nan kier mira sigur cu tur ciudadano Hulandes tin e mesun derecho na cualkier parti den Reino Hulandes.”

Mansur tin informacion cu tin un grupo di persona cu ta studiando e posibilidad pa hiba Reino corte na Hulanda pa e discrepancia of igualdad den otro parti di Reino. “No por ta cu un Hulandes na Hulanda of na Boneiro tin mas derecho cu un persona biba na Aruba. E discrepancia aki ta loke nan kier mira corigi. “Esey ta loke nos kier a drecha den Staten pero no a logra. Mi tin confiansa cu Hoge Raad cu no ta infecta pa politica, lo bisa cu Constitucion ta hopi cla, cu segun Ley tur hende ta wordo trata igual. No tin espacio pa tene cuenta cu doctrina of fe.”

Pa loke ta e ultimo declaracion di Iglesia Cristian di Aruba, Mansur a bisa cu si e ley pasa, e ta reza pa  nan haya consuelo. Esencia di e democracia ta cu ta biba den un pais unda cu tur hende ta liber. E victoria di maña ta conta pa nan tambe, ya cu e ta duna nan e libertad pa profesa nan creencianan, cu no ta esun di mayoria.

Si e decision no ta loke nan ta spera, Mansur a bisa, Fundacion Orguyo tin e derecho pa apela na Corte Europeo, y nan lo haci esey tambe. Nan por reevalua e caso di 2016, cu ta un tema similar unda a bisa cu igualdad matrimonial no ta un derecho fundamental. Di otro banda nan lo trece e tema aki atrobe den Parlamento. Y kisas, el a bisa, esaki lo ta un condicion pa formacion di e proximo gobierno.





Source link

More in Caribe

A2Z ADMINISTRATION

AD

To Top