Connect with us

Michael Williams: Husticia ta hungando wega politico

Aruba

Michael Williams: Husticia ta hungando wega politico


Pa Michael Williams, tin un wega politico pisa tumando luga den e caso di su yiu y Ministerio Publico ta parti di e wega sushi aki tambe! E no por kita for di e percepcion, cu husticia no sa con pa maneha e susedido den cual yiu homber di minister-president, esta Kevin Wever, ta envolvi. Nan sa cu mester deten’e, pero ningun di e fiscalnan eyden no tin e durf pa dal e prome paso y ta purba awo pa detene e yiu di Michael Williams.

Tabata diabierna ultimo cu hefe di recherche, Muller, a yama Michael Williams y pidie trece su yiu homber pa nan interog’e. E recherche a bisa cu e ta bou presion enorme di Ministerio Publico pa detene su yiu. Siendo tata y conocedo di e forma di traha di recherche, el a bisa Muller pakico bo kier mi yiu bin diabierna? Ta pa bo deten’e, tir’e den cel te dialuna? Pasobra recherchenan no ta traha weekend toch. E ta sinti cu asina ta hunga cu libertad di hende, siendo cu recherchenan a detene esun cu a tira boter caba y el a admiti su culpabilidad.

Pues polis sa cu no ta su yiu a tira boter, pero kier deten’e toch. Ta bin acerca cu, segun e video di siguridad di Azia, por mira cla cu ta Kevin Wever mes a haci un maniobra cu a corta e chef den e restaurant. Pero, Williams ta sinti cu na Ministerio Publico nan tin miedo di mishi cu yiu di minister-president pero ta cla pa persigui e Williamsnan y pinta nan malo.

Na Top 95 awe merdia a anuncia cu ambos yiu di Michael Williams lo ta profugo di husticia, pues cu nan ta fugitivo di husticia y cu polis no por localisa nan. E tata a yama na radio y a reacciona mesora riba Edmond Croes, sigurando cu ningun polis a presenta na nan cas pa busca e yiunan y cu su yiunan no ta fugitivo ni nada. Williams a bisa cu ora di pelea y tiramento di mokete, ta tur hende mester bay aden, no su yiunan so. Asina nan detene Kevin Wever, e mes lo hiba su yiu ward’i polis pa nan interog’e. Pero tampoco e lo para man crusa pa laga husticia di clase prevalece na Aruba y depende bo fam of yiu di ken bo ta, cu fiscal ta trata bo cu handschoen di felpa.





Source link

Click to comment

Leave a Reply

Your email address will not be published. Required fields are marked *

More in Aruba

To Top