Connect with us

MFK no ta sostené desishon di su minister pa para kaso ku ta andando den korte

Korsou

MFK no ta sostené desishon di su minister pa para kaso ku ta andando den korte


Partido MFK a tuma nota di e karta ku a bai pa “vereffenaar” di SBZV kaminda ta duna diferente
instrukshon, entre otro pa para kaso den korte kontra di bestür di aña 2011 pa 2013 i tambe pa lanta e beslag ku tin kontra di e dos personanan aki.

MFK a informá Minister Janga ku nos no ta sostené e desishon aki, mirando ku komo partido nos mester
respetá “Trias Politika”. Den pasado tabatin Minister ku a para kaso andando den CPA i MFK tabata kontra
di e forma di proseder aki. Ta p’esei awor aki nos no por permití ku un Minister di nos organisashon ta tuma
un desishon similar.

MFK ta konsistente den su maneho i nos lo no desviá di esaki. MFK ta di akuerdo ku e Minister Janga ku
mester bin un investigashon na SBZV, esaki konforme moshon di 14 di desèmber 2020.
A deliberá ku e Minister Pietersz-Janga i e Minister ta di akuerdo ku e desishon aki i lo bai konsentrá riba e
parti di investigashon di mas o ménos 20 mion ku a disparsé na SBZV.



Source link

Click to comment

Leave a Reply

Your email address will not be published. Required fields are marked *

More in Korsou

To Top