Connect with us

MEP ta recorda fayecimento di Guillermo Trinidad

Aruba

MEP ta recorda fayecimento di Guillermo Trinidad


Guillermo Trinidad a nace dia 25 di juni 1939 y a fayece dia 15 di januari 1991. Na bida e tabata diputado di Teritorio Insular di Aruba, miembro di Parlamento di Antiyas, miembro di Conseho Insular di Aruba y miembro di Parlamento di Aruba. Na momento cu Guillermo a fayece e tabata ocupa e funcion di Ministro di Finansa di Aruba.

Fayecimento di Guillermo Trinidad a cay manera un bom na Aruba y specialmente den seno di su coleganan minister di Gabinete Oduber I y di MEP. Un y tur por corda ainda cu hustamente hungando bala den e group di futbol forma door di su colega ministernan, cu Guillermo despues di e partido di futbol aki a sufri un atake di curason y cu a conduci na su fayecimento repentino. Como Minister di Finansa Guillermo Trinidad a maneha e cartera aki den un forma profesional, cu hopi dedicacion, integridad y sabiduria. Sin duda cu e tabata tin su contribucion grandi na desaroyo di pais Aruba.

Na aña 1994 Gabinete Oduber II a duna reconocimento na Guillermo Trinidad door di duna e stadion cu ta keda den su pueblo di Dakota e nomber di Compleho Deportivo Guillermo Prospero Trinidad p’asina e futuro generacionnan keda recorda e gran politico aki.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top