Connect with us

MEP ta manda yama ‘Aruba kier traha’ pa duna cuenta

Aruba

MEP ta manda yama ‘Aruba kier traha’ pa duna cuenta


“Un di e logronan di Gabinete Wever-Croes 1 tawata e introduccion rapido di FASE, ora cu nos pueblo a wordo impacta economicamente dor di efectonan di e pandemia di COVID-19”, asina Hendrik Tevreden, miembro di parlamento pa Fraccion di MEP, a enfatisa awe. FASE a percura pa esunnan cu a perde entrada legalmente, lo por a bin na remarca na un sosten financiero.

Hopi di esunnan cu no ta paga belasting, dus esunnan cu ta traha ‘zwart’ a cay den bijstand pasobra nan no por a haya FASE. Manera a ser anuncia caba, awor FASE a yega na su final. Gobierno kier introduci ‘Aruba Kier Traha’. Pero Parlamento, a traves di comision fiho di labor lo invita ‘Aruba Kier Traha’ pa bini splica e detayenan y e introduccion aki. 

“Lo ta interesante pa sa kico lo ta e rol di e plataforma entre comercio y esunnan cu no tin FASE mas y esunnan den bijstand“, asina e parlamentario ta puntra su mes. Tevreden ta kere cu ta un oportunidad perfecto pa tin un plan concreto y fuerte como pais pa e gruponan aki cu mas a sufri perdida den e pandemia.

Hendrik Tevreden ta di e bario Dakota y a participa den eleccion di 2017 caminda a obtene 792 voto, formando asina parti di e fraccion di e partido den Parlamento durante e ultimo cuater añanan. E ta regresa pa un di dos termino despues di ricibi 670 voto (-15,4%) den e eleccion di 25 di juni ultimo. Ademas di parlamentario, Tevreden tambe ta president di e partido geel.

“Kisas ta un oportunidad pa un modelo unda cu nos por yuda desaroyo di e comerciante nobo tambe y na mesun tempo baha e grupo di bijstandtrekkers den termino largo. Si implementa un modelo unda cu bijstandtrekkers ta haya coaching y ta participa den e proceso laboral manteniendo nan bijstand pa un tempo, esaki lo costa e comerciante menos cen y lo dun’e chens pa fortifica su negoshi. Basta cu despues di un tempo stipula, e comerciante lo tuma e persona den loondienst y asina ta yega un paro na e bijstand y e job coaching, asina e miembro di parlamento ta pensa.

“Cu un modelo den e direccion aki, segun mi tur partido ta sali beneficia”, di acuerdo cu parlamentario Hendrik Tevreden. “E persona cu a perde trabou, esun cu no ta ricibi FASE mas, esun cu ta haya bijstand, e negociante y gobierno mes. Un plan asina ta brinda un trayecto di jobcoaching cu garantia di mantene su bijstand pa un tempo, cu e convenio cu e lo bira fiho despues di un tempo cerca e negoshi y sali di bijstand. Asina aki e comerciante lo por hala rosea y crece bira fuerte sin mester worry cu gasto completo di personal den prome temporada despues di e pandemia.”

“Asina nos ta yuda mas cu un partido y alabes duna gobierno e espacio pa baha e cantidad di bijstandtrekkers pa futuro”, Tevreden a termina bisando.





Source link

Click to comment

Leave a Reply

Your email address will not be published. Required fields are marked *

More in Aruba

To Top