Connect with us

MEP: na sra. Aquanette Gunn: Lamentabel cu un profesional manera Aquanette ta cuestiona experticio di profesionalnan

Aruba

MEP: na sra. Aquanette Gunn: Lamentabel cu un profesional manera Aquanette ta cuestiona experticio di profesionalnan


Partido MEP a tuma nota di expresionnan di Parlamentario Aquanette Gunn di partido MAS contra Gobierno di Aruba, en especial e Disaster Workforce.

Den su expresionnan through Fb el a lansa un cantidad di pregunta na Disaster Workforce cuestionando e experticio di henter Disaster Workforce. Algo comparable Parlamentario Mervin Wyatt-Ras di AVP tambe a haci.

Mas y mas tur hende por mira con bon alinea MAS y AVP ta. For di cas di partido di AVP, e Eman nan ta dirigi AVP y MAS pareu. Eman ta duna un ordo y Ras y Gunn ta bula mesora.

Ambos ta profesional y pesey ta asina mahos pa mira con nan ta cuestiona otro profesionalnan. Profesionalnan di Disaster Workforce a maneha e disaster di Covid pa 22 luna caba na forma hopi exitoso. Aruba ta un ehempel den mundo pa con a maneha e disaster.

Pesey ora dos parlamentario di oposicion riba ordo di Eman ta rebaha nan mes di e forma aki, y ta ataca profesionalnan den cuido y den siguridad di nos pais, e ta hopi lamentabel.

Un conseho na sra. Aquanette Gunn: ora bo tin duda of pregunta, haci uzo di bo derecho constitucional di yama e profesionalnan of e ministernan den Parlamento, of manda preguntanan por escrito pa nan segun procedura di nos Constitucion. Pa asina nan duna cuenta. Subi Fb cuestiona no ta solamente infantil, pero no ta efectivo si realmente un Parlamentario kier haya informacion.

Lo miho cu sra. Aquanette Gunn por haci ta cease di bula cada biaha cu AVP bise bula. Uza bo propio huicio, uza bo propio sentimento. Lo bo ta mustra hopi mas genuino asina.





Source link

Click to comment

Leave a Reply

Your email address will not be published.

More in Aruba

To Top