Connect with us

Menos persona ta campa e aña aki

Aruba

Menos persona ta campa e aña aki


Campamento a cuminsa den fin di siman tra’i lomba pero por a mira cu no tin hopi persona campando. Durante dia por a mira cu pocopoco mas hende a prepara nan area di campa, unda a pone tent, trailer, prepara nan cushina y hopi mas.

Un informacion cu 24ora a ricibi ta cu tin menos campado e biaha aki, cual ta mas o menos 900 menos. Pa dos aña no tabatin campamento y a haci un comparacion y por a mira cu enberdad e cantidad di hende a bay atras.

Na 2019 e cantidad di campado tabata mas hopi, por ehempel e tempo ey na San Nicolas tabatin 1422 persona di cual e biaha aki tin 109 permiso so pa campa. Den e area di Noord na 2018 tabatin 92 permiso, 93na 2019 y  48 permiso e aña aki. Esaki ta mustra cu na 2018 un total di 1777 hende a campa na Noord, mientras cu na 2019 esaki tabata di 1848 y e aña aki esaki a baha te yega un total di 996 persona.

Aki ta e puntonan cu mester tene cuenta cu ne durante temporada di campamento na San Nicolas:

Limpiesa

Serlimar ta ofrece huurmento di baki sushi (mescos na cas) pa 10 florin pa henter e temporada. Tambe Serlimar lo recoge e sushinan aki cada pasa un dia. Serlimar lo pone baki sushi grandi pariba di brug unda ta campa na e bahada pa bay Zwaart Mangel y tambe band’i “Lone Palm Stadium” na Baby Beach den Sero Colorado.

Zona di landamento

Pa siguridad di e landadonan lo ta bon pa tur hende por sa cu area di Grapefield, Zwaart Mangel, Boca Grandi y Rincon no ta apunta como zona di landa, pero ta pidi e kitesurfers y boto pariba di brug na e partinan aki pa tene bon cuenta cu tin hopi hende ta campa pariba di brug na e partinan aki y cu nan ta haci uzo di e lamanan aki pa landa. P’esey lo tin control tambe na e partinan aki e simannan di campamento pa siguridad di tur campado y hendenan cu ta haci uzo di e lamanan aki.

Rodger’s Beach

For di e di dos pier bay pabou ta apunta como zona di landa tur parti pariba di e di dos pier no ta apunta como zona pa landa y ta pidi encarecidamente pa e esunnan cu ta core boto eybanda pa tene cuenta cu tin campadonan ta landa eybanda. Lo tin control di polis den e partinan aki.

Baby Beach

Ful e bahia di Baby Beach (Klein Lagoen) ta apunta (aangewezen) como zona di landa (zwemzone). P’esey NO mag practica kitesurfing akinan!





Source link

More in Aruba

To Top