Connect with us

Meals on Wheels ta entrega casi nobenta cuminda dos bes pa siman

Caribe

Meals on Wheels ta entrega casi nobenta cuminda dos bes pa siman


Den combersacion cu Valerie Connor, presidente di Fundacion Meals on Wheels, el a mustra riba e importancia di existencia di e fundacion aki. Toch ta basta hende nan ta logra yuda cu e poco donacion cu nan ta ricibi.

E fundacion ta existi for di aña 1968 y ta cay bou di misa Metodista. Nan ta haci trabou pa comunidad y un di nan ta cu ta provee cuminda cayente dos biaha pa siman pa personanan den comunidad. E ta totalmente gratis.

674A7677

Personanan cu ta bini  na remarca pa un cuminda ta debi na edad, of persona cu no famia cu por haci cuminda pa nan. Tin biaha tambe ta yuda personanan cu opera hibando cuminda pa nan dos bes pa siman pa un tempo limita.

E fundacion aki ta uno no-lucrativo y ta depende totalmente riba donacion di tienda- y supermercadonan. Tur hende den e fundacion ta boluntario, pues no ta ricibi pago pa nan trabou. Nan ta analisa tur peticion cu drenta. Asina por ehempel, si ta un persona hoben, ta conseh’e bay Departamento Social. Y si ta un persona grandi, ta bay evalua su situacion.

Valerie Connor a splica cu e ayudo cu nan ta haya for di comercio y e clubnan di servicio tambe ta yuda pa cumpli cu nan meta di yuda esnan cu mester di cuminda. Tambe nan ta haya donacion di miembronan di misa.

Aworaki nan ta yuda casi 90 persona cu ta haya cuminda dos bes pa siman, cu ta hib’e pa nan na cas.





Source link

More in Caribe

A2Z ADMINISTRATION

AD

To Top