Connect with us

MAS tin inkietud riba maneho di e pandemia

Aruba

MAS tin inkietud riba maneho di e pandemia


Parlamento a reuni cu e ministernan y crisis team, unda nan a haya presentacion riba e ultimo desaroyonan di Covid-19 y e variante nobo, y e consecuencianan cu por tin. E parlamentarionan a trece dilanti nan preocupacion. Partido MAS ta preocupa con a maneha e situacion di pandemia.

Lider di Fraccion MAS, drs. Marisol Lopez-Tromp, a bisa cu nan a haci hopi pregunta. Pa loke ta e contestanan, e ministernan a bay riba e parti cu Aruba ta un isla turistico. E parlamentario a bay riba e hecho cu tin pais na mundo cu no tin tanto medida y a logra baha e cantidad, pero ta pais cu no ta depende di turismo. Pero Aruba a opta pa tene frontera habri y turista ta drenta, y nan a splica cu tin di tene cuenta riba balans.

Gobierno a bay riba e parti cu si cera Aruba completo manera otro pais a haci y a baha nan cantidad, nan kiermen e ora Aruba no lo sobrevivi economicamente. Lopez-Tromp a haci pregunta riba enfermedad cronico di cual tin hopi aki na Aruba. Aki el a referi entre otro dialyse, cancer, problema di transplante y otro enfermedad cronico, pero e parlamentario kier sa ki consecuencia ki maneho tin p’e pashentnan aki.

Mirando cu no tabatin discusion cu e personanan aki por a vacuna of no. Tanto minister como otro representante a contesta cu nan maneho ta juist pa tur vacuna. Lopez-Tromp su preocupacion ta e riesgonan cu e pashentnan aki tambe por core.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top