Connect with us

MAS KOMODIDAT PA HENDENAN KU TA PASA ANGUA NA KOMPLEHO DEPORTIVO

Caribe

MAS KOMODIDAT PA HENDENAN KU TA PASA ANGUA NA KOMPLEHO DEPORTIVO


Kralendijk – Awor ku e interes pa e angua di buster ta oumentá, e departamentu di Salubridat Públiko ta tuma medida èkstra pa tur hende ku ta bai e sentro di deporte pa e angua di buster òf e angua di corona.  For di djasabra 4 di desèmber 2021 ta pone tènt i stul èkstra pafó pa esnan ku ta warda.

Tambe ta parti hendenan den dos rei. Ún rei pa hendenan riba 70 aña ku sita ku ta bai pasa e angua di buster. I e otro rei pa personanan ku sita òf sin sita ku ta bai pa e promé òf di dos angua di corona. Na Kompleho Deportivo Jorge Nicolaas tin hende èkstra presente pa yuda ku yenamentu di e deklarashon di salú i a pone mesa èkstra.

Personanan ku ke e angua di buster, e promé òf di dos angua di corona, mester yena e lista di pregunta akí promé. Un dòkter ta wak despues si por pasa nan angua.  Na e sentro di deporte tin un persona presente tambe ku ta mira pa no bira muchu drùk. Si esaki sosodé, e ora ei hendenan ku ke esei por bini bèk mas lat den dia.

Siudadanonan ku ke traha un sita pa e angua di buster por yama 0800 0900 durante ora di ofisina. No ta posibel pa pasa e angua di buster sin sita. For di awor personan di 60 aña òf mas bieu tambe ta bin na bùrt pa pasa e angua di buster. Trahadónan den kuido for di e siman akí kaba tin oportunidat pa pasa e angua di buster.






Source link

Click to comment

Leave a Reply

Your email address will not be published. Required fields are marked *

More in Caribe

AD

Advertisement

Trending

Advertisement
To Top