Connect with us

Mas cu mey biyon persona ta biba sin coriente

Caribe

Mas cu mey biyon persona ta biba sin coriente


WhatsApp Image 2024 07 08 at 12.18.23 PM

Coriente bay aki na Aruba, mesora por scucha e gritonan di critica. Pero mey biyon persona rond mundo biba sin coriente ta algo normal pa nan. Nan no tin acceso na e elemento basico aki pa cualkier pais den e mundo cu nos ta biba.

E cantidad di 685 miyon persona bibando sin coriente ta e cifra mas halto den e ultimo 10 añanan.

Segun Banco Mundia, 2.100 miyon di habitante ainda ta cushina riba candela di  palo of resto di sushi. Na Colombia, e pobresa energetico ta riba 9.6 miyon persona.

No por imagina cu bo no tin forma pa ilumina bo cas anochi, unda pa prepara y of warda bo alimentonan” Esey ta e dia diario di 685 miyon di persona na mundo, cu ainda ta biba sin coriente y di mas cu 2.000 miyon cu ta uza combustibel contamina pa cushina, loke ta trece cu ne consecuencianan pa salud, causando 3,2 miyon di morto prematuro tur aña.

Esaki ta pone cu probablemente lo no por cumpli cu e Metanan di Desaoroyo Sostenibel , garantisa acceso na energia sigur y sostenibel pa tur hende no mas despues di 2030.

Un reciente informa di Agencia Internacional di Energia (AIE) y Banco Mundial a bati alarma riba e tema di energia: e cantidad di personanan cu no ta conta cu un servicio di coriente a aumenta pa prome bes den mas di un decada, cu rond di 10 miyon mas cu loke a raporta na aña 2021.

“Mester di hopi mas inversion den e economianan emergente, y den desaroyo pa amplia e acceso na coriente y na tecnologia y combustibel limpi pa cushina.

Actualmente solamente un parti chikito di e total di inversion den coriente ta destina pa e paisnan unda cu e problema aki ta mas critico,” segun Fatoh Birol, director ehecutivo di AIE.

Si no tuma e medidanan necesario, ta calcula cu pa 2030 rond di 1.900 miyon di persona lo no tin acceso na metodonan sigur pa cushina, y 660 miyon lo no tin acceso na coriente. 





Source link

More in Caribe

A2Z ADMINISTRATION

AD

To Top