Connect with us

Mary Joan Foundation: Mercado di Salud tabata un exito

Aruba

Mary Joan Foundation: Mercado di Salud tabata un exito


Diasabra mainta a tuma luga e Mercado di Salud, organisa pa Mary Joan Foundation, caminda varios partner (12 fundacion) a participa, treciendo informacion y hasta workshop pa esunnan cu a participa na Centro Kibrahacha.

Arabella Colina, presidente di e fundacion a comenta cu esaki tabata un iniciativa di Mary Joan Foundation pa duna algo bek na comunidad.

October tabata e luna di conscientisacion di cancer na pecho y e aña aki no a haci ningun recaudacion na fondo, pero si kier a duna algo bek.

Pero pa por a haci esaki, a invita na e otro fundacionnan pa hunto cu Mary Joan Foundation pa un iniciativa pa mehora e salud.

Por ehempel IMSan tabat’ey presente unda cu nan a duna informacion riba radiologia, kico ta nan trabao. Tambe nan a bin cu ambulance. Tabatin chekeo di wowo cu tabata algo hopi interesante. Publico a bin a bay sigur hopi contento pasobra e tabata algo tremendo.

Fuera di IMSan tabatin Hospice Atardi, IBiSa (cu a bin cu un programa riba peso) y Wit Gele Kruis cu a haci chekeo di sucu y presion.

Koningin Wilhelminafonds tambe tabat’ey, Stichting BOB y Mary Joan Foundation mes tabat’ey. Nan tres hunto a bin cu e conscientisacion riba e parti di cancer di pecho. No ta october so, pero tur dia mester conscientisa riba dje.

Martijn Trading ta un di e sponsornan y tabat’ey presente pa e actividad aki. E fundacion ta gradici nan pasobra pa dos aña caba ta sostene nan. Cada kwartaal nan ta haya donacion di nan productonan.

Fuera di nan, tabatin Transition to Health, cu tabata bon bishita. Nan a duna e parti di masashi schouder, brasa, tambe nan a haci yoga.

Tabatin Vanesa Paulina riba e parti di arte y pintura. Tambe e publico por a pinta durante di e sesion aki. Mochila Creativo tambe tabat’ey cu nan informacion riba nan terapia di musica pa e muchanan special.

Tabatin un variacion riba e Mercado di Salud cu hopi informacion disponibel pa mehora salud.

E mercado tabata hopi bon bishita por lo general.

Por ultimo Colina bisa lo siguiente: “Corda stima bo mes. Cu stima bo mes mi kiermen cuida bo salud, traha riba bo salud. Pasobra tur cos ta cuminsa cerca nos. Y no october so. Corda e parti di conscientisacion di pecho. Un biaha pa luna corda controla bo pecho. Esey ta consisti di dos parti, cu ta e parti cu bo mes ta wak y esun cu bo mes ta fula pa controla bo pecho. Hacie un rutina. No cu ta october so nos tur ta corda. Please, ban ta hopi consciente riba esey.”

Cancer di pecho ta e cancer di mas hopi na Aruba. Mas trempan detect’e, mas lihe y mas miho cuido bo por haya pa salba bo bisa. Ban ta consciente. No solamente pa hende muhe, pero pa hende homber tambe mester tene cuenta cu ne.

No ta hende di edad halto so ta haya cancer. For di hoben caba cancer ta bin dilanti. “Ban sigui conscientisa, ban stima nos mes, cuida nos mes, pasobra ta nos curpa nos tin cu zorg pe,” Colina a bisa por ultimo





Source link

Click to comment

Leave a Reply

Your email address will not be published. Required fields are marked *

More in Aruba

To Top