Connect with us

Marisol Tromp (MAS): Ni su cachonan Minister di Finansa Xiomara Maduro por maneha corda Finansa Publico

Caribe

Marisol Tromp (MAS): Ni su cachonan Minister di Finansa Xiomara Maduro por maneha corda Finansa Publico


Untitled design503

“Por a tuma nota recientemente di un post riba Facebook unda nos Minister di Finansa Xiomara Maduro ta regalando un cantidad grandi di puppies. Mirando e cantidad grandi di cacho y pushinan riba caya, y tumando na cuenta tur e esfuersonan cu fundacionnan manera Luna Foundation y Nine Lives Aruba ta haciendo pa yuda baha e (sobre) poblacion di cacho- y pushinan indesea, ta un berguensa total pa un mandatario haci un publicacion riba Facebook unda e ta regalando puppynan. Esaki  pasobra el a neglisha su responsabilidad pa sterilisa su propio cachonan. Hendenan manera Xiomara ta contribui na e problematica di cachonan riba caya.”

Un rato despues el a core delete e post aki riba Facebook. Ta mas cu claro cu nos Minister di Finansa ta ‘out of touch’ cu realidad. Mescos cu e maneho di su mesun mascotanan ta ZWAK, tambe e tin un maneho financiero ZWAK cual ex Secretario di Estado Van Huffelen a señala den su ultimo carta na Tweede Kamer prome cu el a baha di su puesto.

Den e cuadro aki, parlamentario Marisol Tromp ta referi entre otro na e contestanan cu el a haya riba tres (3) pregunta cual el a manda dia 30 di mei na e Minister di Finansa Xiomara Maduro. Despues di a manda un rappel dos siman despues, porfin el a haya diripiente un contesta casi cuater (4) siman despues, durante e tratamento di e ley di presupuesto supletuario 2024 dia 24 di juni.

Dos di e contestanan ricibi riba dicho preguntanan na e Minister di Finansa ta hopi preocupante. E prome pregunta ta encera amplificacion di e capacidadnan di su Departamento di Finansa y di Centrale Accountantsdienst.

1. Debi na retrasonan grandi Minister a bisa cu Gobierno a aproba pa amplia e capacidaddi Departamento di Finansa y tambe di Centrale Accountantsdienst. Por mandaParlamento un timeline dentro di cual esaki lo tuma lugar?

Como contesta parlamentario Tromp a haya e siguiente contesta (y den Hulandes cual ta lanta otro curiosidad mirando cu e Minister di Finansa y Cultura su partido semper tabata pro-Papiamento): “Voor elk van de genoemde diensten gaat het om verschillende looptijden. In beide gevallen is men begonnen met versterking medio vorig jaar. Bij Directie Financiën heeft men lager kader succesvol weten aan te trekken voor de administratie in de tussentijd. Voor het aantrekken van midden- en hoger kader is dit evenwel moeilijker gebleken omdat immers het huidig rechtspositie-aanbod van het Land niet aansluit bij de behoeften vanuit de markt waardoor het moeilijk is om geschikt personeel aan te trekken. Datzelfde geldt voor de Centrale Accountantsdienst waarbij met moeite recentelijk een extra accountant is aangetrokken. Vandaar dat een tijdlijn moeilijk te geven is.”

En breve e Minister di Finansa NO por duna un timeline, pues Xiomara Maduro NO por a crea y mucho menos duna Parlamento un plan indicando con e ta bay recapacita su departamentonan. Segun minister president gobierno ta bezig den e siguiente 12 lunanan pa yuda crea e Rijkswet p’asina Aruba por cumpli cu normanan stipula den dicho ley encuanto entro otro finansa publico di Aruba.

Riba e di dos pregunta parlamentario Tromp a haya e siguiente contesta cual tambe ta fofo:

2. Dicon Algemene Rekenkamer tin e cuenta anual 2019 (Jaarrekening) pa mas cu 6 luna caba?

“Deze vraag dient eigenlijk aan de Algemene Rekenkamer te worden gesteld. Waarschijnlijkheeft dit te maken met de beschikbare capaciteit bij de Algemene Rekenkamer in samenhang met andere lopende onderzoeken.”

Pues aki bo por wak cu Xiomara Maduro ta laba man cu e cuenta anual y ta bisa cu nos parlamento mes mester puntra Algemene Rekenkamer. Mester remarca cu e Minister diFinansa ta 100% responsabel pa produci y entrega e cuenta anual di Pais na nos Parlamento di Aruba!





Source link

More in Caribe

A2Z ADMINISTRATION

AD

To Top