Connect with us

Marisol Lopez-Tromp: Evelyn Wever-Croes a viola Landsverordening instelling ministeries

Aruba

Marisol Lopez-Tromp: Evelyn Wever-Croes a viola Landsverordening instelling ministeries


Dialuna a sali for di despacho di prome minister un comunicado poco peculiar riba un situacion cu Marisol Lopez-Tromp a presenta.

Di su banda, lider di fraccion di MAS a comenta cu mas of menos 2 luna pasa for di e fraccion a pidi un reunion cu prome minister p’e bin parlamento di Aruba y splica e tempo ey e problema cu ya caba tabata andando pa loke ta e posicion di e werksternan y cu por cierto awo, dos luna despues no ta completamente resolvi. Mientras tanto e cartera a bay den man di un minister nobo.

Loke cu ta hopi peculiar di e caso aki ta cu a invita cu rason e prome minister, pasobra t’e ta esun cu segun corespondencia, cu a tuma cierto decision y a comunica cu esaki tambe na e werksternan den un forma caminda cu e comunicacion a bay, por medio di por ehempel e directivanan di scol.

Lopez-Tromp tin un cantidad di carta caminda cu prome minister ta mete den e cartera di enseñansa. Prome minister a manda carta na Lopez-Tromp bisando cu e no lo bin parlamento, ni maske cu invit’e. Pasobra segun ley di Landsverordening Instelling Ministeries, cada cartera ta un responsabilidad individual ministerial di cada minister, cual segun Lopez-Tromp, ta berdad.

Pero debi n’e hecho cu prome minister a keda mete den decision den enseñansa por medio di carta dunando instruccion, tumando decision, invitando e hendenan pa reuni cu ne y no cu minister di enseñansa, a pensa cu lo invit’e toch p’e bin, pasobra t’e ta esun cu a tuma cierto decisionnan.

Claro cu e por bin cu e minister di enseñansa pasobra ta su cartera. Pero debi cu t’e ta tuma e decisionnan, e por ilustra esaki tambe, a invit’e.

Awo e ta haya ta bon pa core pa no bin parlamento. Na varios ocasion e ta compaña e ministernan tambe y duna un splicacion den parlamento. Kico ta e problema p’e bin un biaha mas, e parlamentario ta cuestiona.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top