Connect with us

Marco Berlis (MEP): Pa decada no bin cu solucion pa problema di RWZI y awo si

Caribe

Marco Berlis (MEP): Pa decada no bin cu solucion pa problema di RWZI y awo si


DSC03110 Enhanced NR

Diahuebs 30 di mei 2024 tabata tin e reunion publico cu lo a trata e ley di traspaso di RWZI, e sistema di riool y e insinerado di Aruba pa e entidad nobo AWSS. Mirando e condicion di e sistema di riool y e RWZI na Bubali Plas sigur mester bisa cu un solucion sigur mester a tuma luga como 15 aña pasa caba. Sinembargo, mester bisa cu no tabata tin e boluntad politico pa inverti ni mantene e planta debidamente pa hopi aña. Tur esaki a cambia ora Gabinete Wever Croes-I-II a goberna y a trece cambio concreto den e maneho desastroso di Mike Eman pa loke ta e tema di RWZI.

Gabinete Wever Croes-I & II: Un cambio gigante den maneho y vision pa RWZI

Na 2018 e expertonan a recomenda pa cumpra ekipo y piesa y na 2019 a recomenda pa haci un mantenemento critico di ful e planta. Na 2020 a inverti 3.6 miyon pa algun piesa esencial pa e planta. Adicionalmente, entre 2021-2022 a haci inversion di 3.6 miyon y 830K florin den e planta di Bubali.

E decision historico ta cay: Gabinete Wever-Croes II lo bin cu un RWZI nobo

Despues di e decadanan di negligencia y falta di mantencion di RWZI, cual awe ta causando problema tur rond di nos isla y nos lama, gobierno di Aruba a dicidi pa bin cu un solucion cu lo bay mitiga e problemanan di RWZI, sistema di riool y e insinerado. Un planta nobo lo ta construi y financia, y lo por spera cu e planta lo keda completa den 2-3 aña.

Un planta grandi, moderno y cu un capacidad enorme pa procesa awa sushi.

E planta na Bubali lo conta cu e ultimo tecnologia y lo ta procesa un capacidad mucho mas grandi cu esun actual cu ta data di 1972. E planta actual por procesa 4500m3, pero e planta nobo lo por procesa entre 16.000m3 pa 20.000m3 di awa sushi pa dia. E vision di gobierno ta pa pensa riba e futuro y si lo mester procesa mas awa sushi, e planta nobo lo por acapara esaki facilmente.

Oposicion atrobe contra RWZI y tur solucion pa nos pais. No ta nada straño cu oposicion un biaha mas ta inventa storia di conspiracion y ta trata na kita e logro historico di Gabiente Wever-Croes door di sembra duda riba e ley. Ta bon pa pueblo sa cu AVP, MAS y Gerlien Croes a vota contra un RWZI nobo! Loke ta remarcabel ta cu net politiconan manera Marisol Tromp cu tin 27 aña den politica nunca a haci nada pa RWZI mientras na varios ocasion el a fungi como minister di infrastructura y RWZI tabata bao di su encargo.

Otro politico di AVP manera Mike Eman y de Meza di “Old Boys Network”, ex-Prome Minister y ex-Minister di Finanzas, cu a manca Aruba cu deficitnan historico bao su maneho y cu nunca a wak e necesidad di bin cu un solucion pa RWZI tras 8 aña di gobernacion. Pueblo ta cansa di wak e politica barata aki, un politica destructivo cu hamas lo reconoce solucion y e logronan di un gobierno serio. Sinembargo, pueblo por wak cu e solucionnan concreto ta logra pa e retonan di nos pais. Pabien Aruba cu e RWZI nobo!





Source link

More in Caribe

A2Z ADMINISTRATION

AD

To Top