Connect with us

Marco Berlis (MEP): Awo AVP ta contra medidanan cu nan mes a acorda cu gremio

Aruba

Marco Berlis (MEP): Awo AVP ta contra medidanan cu nan mes a acorda cu gremio


Aruba ta pasando un di su momentonan economico di mas dificil den historia. Memey di e momentonan dificil aki fraccion di MEP y gobierno ta trahando duro pa por bin cu solucionnan realistico pa loke ta trata e sobrevivencia di AZV. “Mi ta papiando aki di sobrevivencia pasobra e gastonan creciente di AZV no ta cargabel si nos como pais no cuminsa inventarisa, restructura y ahusta gastonan di AZV”, asina parlamentario Marco Berlis di MEP a duna di conoce den su relato di prensa. “Nos no mester lubida si, cu aña pasa 2020, ora cu a pone shelter in place y casi ful comercio tabata completamente cera, varios representante di empresarionan y hasta partido tabata boga pa minister-president Evelyn Wever Croes firma e landspakket pa caba, pa asina placa por cuminsa draai den nos economia atrobe”.

Laga nos corda tambe cu minister-president tabata nenga di dobla bao e presion aki, pasobra tabata tin hopi punto y proposicionnan inacceptabel cu Hulanda kier a incorpora den e landspakket. Aunke tabata tin hopi critica y presion minister-president Evelyn Wever-Croes a sigui negocia cu Hulanda pa cambia e landspakket di un forma cu e no lo afecta nos estado economico y social mas ainda di locual e tabata caba.

Asina mes lo mester tuma decisionnan pa AZV por sigui existi. Cu e cortamento di 60 miyon exigi di Hulanda esaki a bira ainda mas dificil. Pa AZV por tin un oportunidad di ta sostenibel posibelmente lo inclui un positieve lijst y eigen bijdrage. Cuanto producto lo ta riba e positieve lijst, unda y cuanto e eigen bijdrage lo ta, lo wordo anuncia pronto pa gobierno di Aruba.

Diamars Parlamento a tuma henter dia pa debati riba e eigen bijdrage y positieve lijst, unda tur hende por a wak e oposicion cu tabata vocifera encontra di esaki. Minister Dangui Oduber a splica e necesidad pa bin cu esaki, pasobra kier trata na restructura y sigui ofrece un aseguro medico na pueblo cu ainda ta brinda amplio cobertura medico na nos poblacion. No ta trata aki di medida, sino un opcion pa salba AZV of tuma e decision di no carg’e mas. Oposicion a keda vocifera encontra di e decision aki.

Sinembargo ora cu mi a presenta un documento na Parlamento pa pueblo wak den e openbare vergadering, cu partido AVP den e Dialogo Social di 2014 a firma un protocol cu diferente organisacionnan y sindicatonan manera: ATIA, SNBA, KVK, AHATA, ATSA, OPPA, STT, SPA, SIMAR, ABV, SADA, ALVAST, SEPPA, FTA, SIWA Y UEA, pa implementa e mesun accionnan aki, nan por a bisa mucho mas. Den e protocol aki ta duidelijk cu a establece un acuerdo, cual a wordo hiba y presenta na Hulanda cu nan lo implementa esaki. E protocol aki a wordo firma pa Mike Eman y ex.Min. di Volksgezondheid C.A. Schwengle. E potretnan di e
documentonan adhunto por wak e evidencia di esaki. Den otro palabra, e decision aki tabata algo cu AVP a considera necesario caba for di 2014. Nan a tuma e decision di bini cu eigen bijdrage y un positieve lijst pasobra nan por a wak cu sin esaki, AZV no lo ta cargabel mas pa pais Aruba.

Asina ta cu AVP a considera pa trece eigen bijdrage y positieve lijst sin ta den un temporada di pandemia, crisis y chaos mundial, manera cu nos ta pasando aden actualmente. Aña 2014 ainda tabata un tempo cu Aruba tabata fuerte economicamente, no manera aworaki unda cu e pandemia a laga nos bancarota. Si lo a tuma e decision aki e tempo ey, e stabilidad economico di AZV lo ta diferente awe. Mi ta menciona tur esaki pa pueblo compronde cu ora lidernan di nos pais no tuma decisionnan serio y necesario na bienestar di nos pais, tardi of trempan esaki ta afecta nos tur grandemente.

Ora lidernan di nos pueblo kier tuma decisionnan cu solamente ta popular, y no ta tumando nan responsabilidad y obligacion di deugdelijk bestuur na serio, esaki tin consecuencianan desastroso. Aworaki nos ta memey di un crisis economico y pandemia global, nos ta haya nos ta introduci loke ya mester a wordo decidi 7 aña pasa, pa asina nos por trata na salba AZV pa e generacionnan futuro di nos pais.





Source link

Click to comment

Leave a Reply

Your email address will not be published. Required fields are marked *

More in Aruba

To Top