Connect with us

Maltrato severo ku dos detenshon den besindario di un skol den Buena Vista.

Korsou

Maltrato severo ku dos detenshon den besindario di un skol den Buena Vista.

Maltrato severo ku dos detenshon den besindario di un skol den Buena Vista.

Maltrato severo ku dos detenshon den besindario di un skol den Buena Vista.

Djárason 12 di mei 2021 alrededor di 12.11’or, Sentral di Polis a risibí informashon ku
tabatin tiramentu den besindario di un skol den Buena Vista.

Mesora a dirigí un unidat polisial na e sitio i na su yegada a sali na kla ku miéntras ku un
dosente di e skol tabata intermediá den un problema ku a surgi entre dos alumno, dos
grupo di algun hòmber a yega na porta di skol i einan a kuminsá un bringamentu.

Durante di e bringamentu dos studiante maskulino lo a risibí sla formal ku un bate di
beisbòl. Unu den kabes i e otro na altura di su garganta.

Durante di e bringamentu aki, lo tabatin tiramentu tambe na porta di e skol.
E dos studiantenan gravemente heridá aki a keda transportá den outonan privá pa sala di
emergensia di C.M.C., kaminda unu di nan a keda interná den e unidat di kuido intensivo.

Alrededor di 15.50’or, dos hòmber responsabel pa e maltratonan severo aki a mèldu na warda di polis na Rio Canario, na unda nan a keda detené pa intento di asesinato, maltrato
severo i maltrato ku arma.

Ta trata di e hòmbernan sospechoso G.G.R. di 22 aña di edat i N.J.E. di 18 aña di edat,
ámbos nase na Kòrsou.

A presentá e duo dilanti di un fiskal ouksiliar ku a ordená nan enkarselamentu pendiente di
mas investigashon.

 

Continue Reading
Advertisement
You may also like...

More in Korsou

IMPORTANT ANOUNCEMENT

Advertisement
Advertisement

Trending

Advertisement
Advertisement
To Top