Connect with us

Magaly Brito (SEPPA): Ta keda n’e trahadonan pa sigui cu e accion

Aruba

Magaly Brito (SEPPA): Ta keda n’e trahadonan pa sigui cu e accion


No tin mas espacio pa recorte di 12.6%. Esey ta algo cu e sindicatonan a pone bon cla. Magaly Brito, secretario general di SEPPA a comenta cu den e cartera di e hende, ora cu ta den guera, no tin temporada pa bisa cu si e hende ta sintie si of no.

Net den e temporada aki ta hopi mas dificil p’e hende pa motibo cu nos ta biba den un mundo di consumismo. Manera aworaki e hende ta haci mas gasto y ta celebra, etc. E ora ta haya cu nan ta bay sintie hopi mas.

E hecho cu a entrega e 12.6% e luna aki, cu atrobe nan a kita 5%, pero tambe un gelijkbedrag cu nan ta custuma di traha 100%, a bira 50%.

E keho ey t’ey. Sa tambe cu tin hopi miedo y intimidacion, ta algo cu e miembronan di SEPPA ta informa.

E mal contento ta keda bao di e hendenan p’esaki. Segun Brito SEPPA t’ey pa sostene esunnan cu nan reclamo, cu nan keho y nan preocupacion y e hecho cu gobierno ta keda insisti pa warda un contesta fo’i Hulanda. Un contesta cu si mira e cartanan manda, tin un palabra cu ta keda hala atencion, unda cu ta bisa cu Knops ta contesta gobierno, cu ta keda ripiti e mesun peticion.

Y ora ta ripiti un peticion, ta pasobra a haya un contesta cu no a gusta na comienso y ta keda ripitie. Tambe in algun detaye den e carta cu a hala atencion di e sindicato.

Tabatin encuentro cu gobierno, hecho cu no por a mira den e carta unda cu a vocifera e preocupacionnan manera cu ta e exigencia di esunnan cu ta sacrificando 12.6% di nan entrada.

A haci varios accion, sinembargo gobierno no a baha cabes. Nan ta tir’e bala pa Hulanda y Hulanda ta tir’e bala bek pa nan. Awo ta keda n’e trahadonan si lo sigui cu e accion.

SEPPA ta vocifera loke ta reina bao di e trahadonan. Si ta decision di e trahadonan pa continua, e sindicatonan lo t’ey pa sostene nan.

Diahuebs cada sindicato tin cu atende cu su miembronan rib’esaki pa mira si ta nan deseo pa sigui cu e accion den e dianan aki mes of dependiendo di e contesta di Hulanda.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top