Connect with us

Luenne Gomez (DIMP): Por paga number di auto te otro siman

Aruba

Luenne Gomez (DIMP): Por paga number di auto te otro siman


Departamento di Impuesto ta participa cu mañan diaranson, 29 di juni 2022, tur oficina lo ta cera  debi na e aviso oficial di mal tempo comunica pa Gobierno di Aruba y medidanan di precaucion pa sigura su sistemanan digital. Durante un conferencia di prensa, hefe di e Departamento, mr. Luenne Gomez-Pieters a anuncia cu como medida di precaucion tur oficina lo permanece cera diahuebs dia 30 di juni 2022 y diabierna dia 1 di juli 2022. Departamento di Impuesto ta pidi contribuyentenan pa tuma bon nota di e participacion aki y pa sigui instruccionan pa precaucion di instancianan concerni.

SERVICIO ONLINE

Alabes Gomez-Pieters a informa cu e servicio online no lo ta disponibel despues di 10:00 te cu diasabra pa motibo cu tur sistema lo ta “down”. P’e motibo aki no lo ta posibel pa haci un cita tampoco. Tur persona cu tin un cita caba, lo haya un fecha nobo pa otro siman. Departamento di Imuesto lo contacta cada cliente a traves di un e-mail pa informa tocante e fecha y orario nobo di nan cita.

PAGO DI PLACH’I NUMBER

Fecha final pa paga plach’i number ta bira diahuebs dia 7 di juli 2022. Departamento di Impuesto ta recomenda pa probecha y haci pago mientras cu tin coriente y asina evita cu ta cay atras den pago.

Departamento di Impuesto ta anuncia cambio di deadline pa paga plach’i number

Posted by 24ora on Tuesday, June 28, 2022

Dialuna dia 4 di juli 2022, Departamento di Impuesto ta reanuda su servicio na publico segun e orarionan di custumber.  





Source link

More in Aruba

AD

Advertisement

Trending

Advertisement
To Top