Connect with us

Lo analisa maneho di ‘niet blijven zitten beleid’

Aruba

Lo analisa maneho di ‘niet blijven zitten beleid’


Minister di Enseñansa y Deporte a sinta siman pasa cu dies cabesante di Dienst Publieke Scholen (DPS) pa haya sa mas kico ta e puntonan di dolor. Pero tambe a papia cu nan riba e puntonan di atencion di biaha, un tempo mediano of largo.

Endy Croes, minister di Enseñansa y Deporte, a informa cu nan ta cuminsa cu e puntonan cu mester atencion di biaha. Un di e puntonan cu a resalta tabata e beleid cu e minister anterior a bin cu ne cual ta e ‘niet blijven zitten beleid’. Segun e mandatario, na final e mayor ta esun cu ta dicidi na final. P’esey a pidi pa analisa e beleid aki profundo, mirando cu nan a haya hopi reaccion di esunnan den e veld pakico si y no.

Den futuro cercano lo tuma decision riba e maneho aki y si tin di bay bek n’e sistema cu  ‘niet blijven zitten beleid’  no a funciona manera tabata kier. Nan lo tin di bin cu bon argumento dicon ta cambi’e p’e mayornan por compronde. E mandatario ta pidi pa duna chens pa laga nan yega eynan.

Otro punto cu a bin dilanti tabata di reemplasante vast y tabata papia di un ocupacion minimo, cual a hala atencion dje mandatario. Croes a splica hunto cu comision y consehero ta analisando, e departamentonan tambe lo duna nan input pa bin cu un maneho mas concreto.

Pa cobertura mas amplio, lesa e edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top