Connect with us

Lidernan prominente ta colabora y lansa MOMENTUM Males’s Seminar

Aruba

Lidernan prominente ta colabora y lansa MOMENTUM Males’s Seminar


Cu e solo meta pa empodera hende hombernan den nos comunidad y yuda nan yega na nan siguiente nivel den bida, cinco (5) lider prominente riba e tereno a bini hunto y ta lansa seminario pa hende hober titula, MOMENTUM Males’s Seminar.

Un conferencia diseña pa primeramente yuda nan discubri nan potencial particular person, cu ta e fundeshi cu ta dirigi nos pa alcansa nos destino. Ofreciendo guiya pa hende hombernan cu entre otro, kisas por a lanta sin un relacion paternal percurando asina pa un falta di siguransa propio. Intencion ta, pa trece claridad posibel den areanan di confusion y falta di siguransa pa asina haci nan soñonan bira realidad pa loke ta nan potencial como empresario, lider of comerciante cu nan a wordo diseña pa ta.

Ta trata aki di Coachnan, Harold F. Grant, Dave Martinus, Raymond Maxwell, Francis Groeneveldt y Rene Wild, cada un experto riba nan tereno di experticio.

Harold F. Grant – Fundador di Company Impression y un lider prominente den nos comunidad specialisa den space di famia y explicit e hende homber encabesando y liderando su famia, su negoshi, carera y cada space di su bida di manera conkistado, cu enfoke pa fortalece e pilarnan clave pa logra exito pa nan mes y consecuentemente, Aruba su futuro generacionnan.

Dave Martinus, experto certifica den comercio, fundador di ActionCOACH Enterprise Teaching y facilitador certifica pa e programa di desaroyo corporativo yama ADDINGZEROS cu tin como enfoke pa yuda individuonan amplia nan manera di pensa y bira exitoso den nan negoshi y carera creando asina e libertad necesario pa pasa tempo cu nan sernan keri.

Raymond Maxwell, Facilitador Senior y licenciado oficial di FranklinCovey Caribense Hulandes y director di EduMax Coaching & Consultancy. Un graduado mediador registra – NMI di ‘Nederlands Mediation Instituut’ y ta hopi activo riba e tereno di liderazgo ofreciendo ayudo private y profesional alcansando asina metanan y resultadonan desea.  

Coach Francis Groeneveldt, experto certifica riba tereno di liderazgo y finansas di Lead2Success particularmente specialisa riba e tereno di ‘Monetary Freedom’ cu ta enfoka pa sanea situacionnan di debe y construi structuranan nobo pa logra sali for di cualkier situacion negativo pa uno positivo y asina posiciona individuonan riba e caminda di exito.

Y pa loke ta trata inteligencia fisico – algo sumamente necesario pa un mente conkistado – Teacher fisico y Nutricionista, Rene Wild di ‘Wild Match,’ lo bay ta compartiendo su experticio pa asina percura pa un curpa y mente fisico halto den energia y determinacion pa alcansa nan metanan.

Un mainta poderoso pa ranca sali 2022 cu hopi energia, enfoke y determinacion cu lo resulta den un clausura cu puro exito. E mainta lo inicia pa 10or di mainta y ta programa pa termina 12or di merdia.

MOMENTUM Males’s Seminar lo tuma luga dia 15 di januari binidero, den edificio di Company Impression Ministries situa na Caya G.F. Betico Croes. Henter e ‘line-up’ yena cu rikesa intelectual lo bay ta literalmente un regalo pa e lidernan, cabesante di famianan di nos comunidad, ya cu e lo bay ta uno completamente free of charge.

Registracion pa reservacion di asiento ta necesario, semper aplicando reglanan di DVG. Esaki por wordo haci by way of www.eventbrite.com, search evento: MOMENTUM ARUBA of door di tuma contacto by way of 5881477 of +297 593 4535.





Source link

Click to comment

Leave a Reply

Your email address will not be published.

More in Aruba

To Top