Connect with us

Ley di subsidio di salario aproba unanimamente

Aruba

Ley di subsidio di salario aproba unanimamente


Tabatin varios tema cu a discuti durante di e reunion publico den parlamento di diamars. Un di e temanan cu a trata ta esun di ‘Loonsubsidie’.

Diferente parlamentario tabatin nan punto di bista riba esaki. Misha Raymond, lider di fraccion di Raiz, a comenta cu si e ‘handhaving’ ta na su debido luga, ta mira si cu lo por vota pa e ley ta na su luga.

Miguel Mansur, lider di fraccion di Accion 21, tin na bisa cu tin na bista cu tin un variante nobo lo por afecta nos, aunke cu gobierno no lo tin fondo di ningun manera pa sigui financia e ‘loonsubsidie’. Ainda Mansur ta deliberando si e lo sostene e ley si of no.

Mike Eman, lider di fraccion di AVP, a menciona cu no por vota contra e ley, pasobra no ta esun cu ta bisa cu mester bay cobra. E ley ta bisa cu e hecho cu a sostene e empleadonan cu subsidio di salario ta haya un base legal.

Logicamente si e empresanan a haya di mas, lo mester por yega na areglo. Pero e partinan skerpi, e partinan doloroso no tin nada di haber cu e ley, pero si tin di haber cu e maneho den cual ta bay cana e caminda pa pidi e empresanan e placa bek.

E maneho di haci calculacion cu ta bisa cu e empresa a haya di mas no ta skirbi den ley.

Tampoco no ta skirbi den ley con lihe mester paga bek. Pero loke cu gobierno ta bay stipula hunto cu SVb ta bay determina esey y pa esey si AVP ta sinti cu gobierno no tin suficiente consideracion pa e situacion di e empresanan n’e momentonan aki.

Na final di dia, tur fraccion den parlamento a vota pa e ley di subsidio di salario diamars.





Source link

Click to comment

Leave a Reply

Your email address will not be published. Required fields are marked *

More in Aruba

To Top