Connect with us

Ley di LNT mes ta duna posibilidad pa haci excepcion riba e salario top

Untitled design 19

Caribe

Ley di LNT mes ta duna posibilidad pa haci excepcion riba e salario top


Recientemente un ehecutivo halto di APFA a indica cu e ta evaluando pa bay corte contra e Landsverordening Normering Topinkomens (LNT), cu Gabinete Wever-Croes 2 a traha pa introduci proximamente. Aunke a traha riba esaki for di algun aña caba, awo e ta den un fase cu proximamente e ta drenta na vigor.

Prome Minister mr. Evelyn Wever-Croes a indica cu recientemente algun ehecutivo halto di empresa / entidadnan estatal a acerca su persona cu e peticion pa pospone e drentamento na vigor di e ley aki.

E ley aki ta pone e maximo cu e director di un compania estatal por gana, y esaki no por ta mas cu 130% di e salario di e prome minister.

A bini cu e ley aki despues cu a constata, na momento di drenta gobierno, cu tin companianan estatal ta paga nan directornan salario exorbitante. “Ta trata di companianan estatal cu apenas tin actividad. Si ta un compania estatal cu tin hopi responsabilidad manera SETAR y WEB, tin mas comprension. E director den casonan asina mester ta bon paga pasobra ta hopi responsabilidad e ta carga, pa cu e pueblo. Pero ora cu ta trata di compania chikito, no por refleha esaki den un salario di e magnitud ey.”

A papia di un capa di loke ta considera normal y a introduci esaki na 2022. Sinembargo, e mandatario ta splica, e ley mes ta duna posibilidad di duna excepcion. Por duna excepcion si esaki ta bon hustifica of motiva.

A encarga Minister di Finanza pa atende cu e tema di LNT. E mandatario ta spera, despues di haci e estudionan necesario e acudi na e diferente directornan cu a haci e peticion.

APFA tin libertad pa bay corte pero e mandatario a bisa cu ta trahando riba e tema y ta spera di yega algo di un bon manera.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top