Connect with us

Labamento di placa: No por condena hende si no tin evidencia

Aruba

Labamento di placa: No por condena hende si no tin evidencia


Abogado mr. David Kock na salida di Corte a splica cu husticia no tin base pa kita un suma di placa grandi cu su cliente tabatin warda den un kluis na oficina di su tata (na cas). Ta trata di placa cu el a bin ta spaar for di 2010 ora cu el a cuminsa hunga poker.
E cliente aki, Pieter Susebeek, no ta conoci solamente na Aruba como un hungado di poker, pero tambe internacionalmente.

El a splica cu como e no por a habri un cuenta di banco cu e ganashi cu e tabata haci, e mester a warda e placa na cas, unda e tin seis pitbull pa cuida e cas. Ora cu su tata a construi un oficina nobo na su cas, cu un kluis, el a dicidi warda un parti di su placa eyden. Un parti a keda na su cas y un parti e tabata hinca banco, ora cu nan a duna aprobacion pa habri un cuenta. E tabata por a deposita un maximo di 20 mil dollar.

E abogado a splica cu su cliente a declara hopi cla na Recherche cu for di 2010 cu el a cuminsa hunga, e tabata spaar su placa. Y ora cu su tata a haya un kluis nobo, un parti di loke e tabatin a bay den e kluis, un parti el a hinca na banco y un parti el a keda cu ne na su cas. E no tabata kier laga su placa un solo caminda pa e no perde tur cos pareu si nan mester horta, p.e. na e oficina di su tata.
No por djis condena un hende pasobra e tin hopi placa den su poder. Fiscal mester demostra cu e ta procedente di un echo ilegal y no keda solamente riba un sospecho.
Fiscal a pidi un luna condicional y 3 aña di prueba y pa e placa keda pa caha di Gobierno. Ta trata di un suma di 25 mil dollar y 62 mil florin cu a haya den kluis na Caya Esmeralda ora di un inval relaciona cu caso Avestruz.
Hues ta bay studia e caso y lo dicta sentencia den e prome siman di mei.





Source link

More in Aruba

To Top