Connect with us

Ku asombro Frakshon di PAR a tuma nota di e kontestanan di Promé Minister Pisas den e promé tanda di kontesta riba e reunion yamá pa atendé maneho di e krísis di Covid-19.

Korsou

Ku asombro Frakshon di PAR a tuma nota di e kontestanan di Promé Minister Pisas den e promé tanda di kontesta riba e reunion yamá pa atendé maneho di e krísis di Covid-19.


Na lugá di duna kara di e maneho hibá pa su gabinete, Promé Minister Pisas a tuma kasi mei ora pa presentá henter un “show di komedia”, kontando chistenan tokante mil baka, liderazgo polítiko di PAR, mustrando supuestamente ki desaster el a bin haña, tira falta riba CMC, Gabinete Rhuggenaath.

Un show kompletu di polítika bou di nivel, klaramente dirigí pa humiliá i tira lodo riba su kontrinkantenan polítiko i asina kubri su propio inkapasidat pa goberná i tuma desishonnan. Ni un minister di Hustisia sr. Pisas por a produsí ainda! Ta mas ku bisto ku sr. Pisas ainda no a realisá ku pais ta pasando den un krísis profundo i loke pueblo mester ta pa un lider duna guia i direkshon durante di esaki.

Na lugá di guia e pais den e momentunan difísil aki, sr. Pisas ta tur anochi riba kaya, bailando, kantando karaoke, trahando cocktail, bebiendo su “Buchanan” preferí, saka potrèt i fiesta, miéntras míles di hende ta luchando ku karchi di kuminda, wardando riba sèn di NOW regeling pa nan kobra i nan sí, no por kumpra niun kos di skol pa nan yunan, struggle pa duna nan famia di kome, te pa nan sali bai fiesta.

No laga nos lubidá riba e mas ku 16 persona mientrastantu awor drumi den IC na CMC i ku awor ofisialmente e departamento aki a yega su kapasidat i pashèntnan ta luchando pa nan bida! Na lugá di duna kara i mustra direkshon, sr. Pisas ta pidi komunidat “despensa” ku e no ta duna Covid prioridat, paso e ta bezig ta negoshá ku Hulanda. Klaramente un èksküs, paso e mesun Promé Minister a enkargá minister di Finansa pa negoshá ku Hulanda na su lugá.

Na lugá di duna klaridat riba e eskohonan den negoshashon di COHO, Promé Minister Pisas su kontesta ta: “Hulanda a pone preshon riba mi!”.

Frakshon di PAR ta duna tur tempu ku ta responsabel na Gabinete Pisas pa por kuminsá ehekutá su maneho i no ta hiba un wega di polítika di “bati kibra tur dia”. Sinembargo, na lugá di mira desishon i liderazgo, nos ta mira un patronchi di èksküs tras di èksküs, pa kubri e falta di liderazgo di promé minister Pisas i inkapasidat pa tuma responsabilidat.
“Konstantemente e kuchu a kòrta mi”
Foei Promé Minister Pisas! Kòrsou (I tambe Frakshon di PAR) ta wardando riba un Promé Minister, no riba un komediante bailadó. Stòp di buska kos pa tira falta riba dje i bai goberná !






Source link

Click to comment

Leave a Reply

Your email address will not be published. Required fields are marked *

More in Korsou

To Top