Connect with us

Kòrsou bou di atake pa trato di migrantenan Venezolano

DICK 0107 VREEMDELINGENBARAKKEN

Korsou

Kòrsou bou di atake pa trato di migrantenan Venezolano


Kòrsou

Kòrsou bou di atake pa trato di migrantenan Venezolano

WILLEMSTAD – Kòrsou ta akohé mundialmente un di e kantidatnan di migrante mas haltu pa kabes di poblashon, kaminda UHHCR ta kalkulá ku mientrastantu djeskuater mil Venezolano ta permanesiendo sin permit di estadia riba e isla. No opstante ku ta viola na hopi okashon e derechonan di e hendenan aki ku ta hui pa pobresa i violensia. Esei ta menshoná den e programa Pointer di KRO-NCRV den un documental spesial.

Abogado- i organisashonnan di derechonan humano na Kòrsou, manera Human Rights Defense Curaçao, ta informá ku regularmente outoridatnan lokal ta detené migrantenan sin papel i standart nan ta sera nan. Ta bini aserka ku na momento di detenshon ta separá mayornan for di nan yunan, sin partisipashon di un wes òf instituto di tutela.�

Ekspertonan hurídiko na Hulanda ta deskribí e situashon komo ‘penoso’ i kontra derechonan humano. Alicia Blonk, ku ta traha komo abogado na nòmber di e organisashon di derechonan humano, ta enfatisá ku “ta uza ponementu den kustodia ofisial komo promé stap, mientras ku segun lei ta resultá ku mester mira esaki komo último medio.”

Aña pasá so 59 persona a purba yega Kòrsou via laman, i ounke a konstruí fasilidatnan nobo pa no pone nan mei mei di prezunan kriminal, e situashon ta keda insufisiente. Korte a intervení na múltiple okashon i eksigí libertat di e migrantenan, pero segun abogado Blonk asistensia hurídiko ainda no ta normal.

Jennifer Sifontes, direktor di e organisashon komunitario Venezolano Venex, ta keda ku speransa ku lo bini mehorashon bou di e minister di Hustisia nobo Shalten Hato. “Mientras e minister ta wak un prodesura di legalisashon, polis ta sigui persiguí indokumentadonan riba kaya,” segun Sifontes.

Apesar di esfuersonan na diferente okashon di entre otro KRO-NCRV pa komentario, no ta bini reakshon di banda di  minister di Hustisia di Kòrsou. Na Den Haag tambe ta keda relativamente ketu, ounke investigadónan manera Chrisje Sandelowsky di Universidat di Leiden ta indiká ku Hulanda no tin mag di bira su kara otro banda: “E pregunta ku si bo mester intervení ta pará lòs di outonomia. Garantisá derechonan humano ta un responsabilidat di Reino.”

Tur esaki ta suprayá e nesesidat urgente di un maneho koherente ku ta respetá i protehá derechonan di e migrantenan, mientras tempu ta sigui kore i e situashon ta keda krítiko riba e isla.


9



Source link

More in Korsou

A2Z ADMINISTRATION

Advertisement
Advertisement
Advertisement

AD

Trending

Advertisement
To Top