Connect with us

Konseho Insular ta yama prensa di Boneiru piská putrí�

Eilandgriffier A. de Wolff eedaflegging

Caribe

Konseho Insular ta yama prensa di Boneiru piská putrí�


Boneiru

Konseho Insular ta yama prensa di Boneiru piská putrí�

KRALENDIJK – E denunsia ku Griffier interino Arjen de Wolf a hasi na nòmber di konseho insular kontra sierto personanan i sierto medio di komunikashon, a pèrkurá pa hopi konsternashon, malentendimentu i asombro serka representantenan di prensa lokal.

E Griffier interino a yega na e akshon aki pa motibu di loke a deskribí komo e lèkmentu konstantemente di informashon pa prensa. “Ku preukupashon kresiente konseho insular a tuma nota di un fluho di notisia ku ta yega e isla, spesialmente via un blog personal, via medianan sosial i via e úniko korant lokal. Parse ku hopi di e publikashonnan aki ta basá riba informashon ku ta prosedente direktamente di e aparato di entidat públiko Boneiru, òf sírkulonan den i rònt di gobièrnu”, segun un deklarashon di prensa djadumingu anochi.

Pa un parti importante  e krítika  ta bini di diferente artíkulo ku e reportero René Zwart a publiká último simannan riba su sitio di notisia Dossier Koninkrijksrelaties. Kada biaha di nobo Zwart ta logra pa ataká abiertamente tantu konseho insular komo e griffier interino, revelando detayenan ku ta influensiá formashon di imágen negativo. Ehèmpelnan di esaki ta e oumento konsiderabel di kompensahon pa frakshonnan den konseho insular i e echo ku De Wolff a drenta den buzon elektróniko di tur konsehal, supuestamente pa evitá e lèkmentu.

Ounke De Wolff i huntu kuné konseho insular ta denunsiá informashon inkorekto, nan apenas por a desmentí  ku argumento kasi niun punto di e informashon di Zwart. Parse ku e echo ku Zwart ta disponé di informashon ku ta konsiderá “konfidensial”, ta molostiá konseho insular hopi.

Atake

Ounke e krítika di Konseho Insular i De Wolff ta dirigí spesialmente kontra Zwart i ménos kontra e korant lokal ‘Boneriano’, por sierto ta kategorisá tur media di e isla komo inkonfiabel. “Boneiru no konosé media públiko manera na Hulanda Europeo; tur kompania di media ku ta establesá riba e isla ta komersial. Ta parse ku hopi informashon ta dirigí pa interesnan polítiko i komersial”, asina por lesa den e deklarashon di prensa di konseho insular.

Konseho insular ta vislumbrá einan un peliger pa demokrasia. “E klima di media aki ta un peliger pa demokrasia, ta perhudiká votadónan, ta un menasa pa bon gobernashon di e isla i ta forma un atentado kontra e konfiansa den gobièrnu insular, sea si ta trata di Konseho Insular, Kolegio Ehekutivo òf Gezaghebber”, por lesa tambe den e deklarashon.

Malkomprendementu �

Diferente representantenan di media ta reakshoná sin por  komprondé pero tambe hopi indigná riba e akshon di konseho insular. “No ta mundu riba su kabes si protehá konseho insular kontra informantenan?”, e korant Boneriano ta puntra su mes den un komentario skerpi. Segun e matutino no ta prensa ta menasá demokrasia riba e isla, sino e moda di proseder di konseho insular mes.�

Koresponsal Dick Drayer tambe ta krítiko riba e informashon ku a saka: “Mi no por mira esaki otro ku no ta un atake riba prensa liber riba e isla i un intento pa sera boka di informantenan ku ke mustra riba iregularidatnan”, segun Drayer.

Gentle Agreement

Anterior griffier, Willem Cecilia, ta mira mas problema ora ta trata moda di proseder di konseho insular. Segun Cecilia tantu konseho insular komo gezaghebber Reynold Oleana ta kompletamente robes ku nan akshon.

“Resientemente mi a bisa kaba ku konseho insular a pèrdè stre’i nort kompletamente i aparentemente no a hañ’é bèk ainda. Na promé lugá ta saka un komunikado di prensa na nòmber di konseho insular i ta pon’é riba nan website, pero buena marcha ta eksigí ku konseho insular mester disidí den un reunion públiko tokante e tipo di notisianan aki ku tin e karákter atministrativo i ku no ta delegá esaki na griffier interino ku aprobashon despues. Esun ku a traha e komunikado aki ta papia di bon gobernashon, pero aparentemente no sa nada di esaki”.

Tambe Cecilia ta mustra riba e ‘Gentle Agreement’ ku a aprobá na 2019 i ku ta deskribí un proseso ku konseho insular mester sigui den kasonan delikado, promé ku trese nan den publisidat.�

“Den e reunion públiko di 29 di yanuari 2019 Konseho Insular a stipulá e asina yamá ‘Gentle Agreement’ tokante mantenshon di  integridat di polítika. E Gentle Agreement ta kontené palabrashonnan prosedural ku a traha riba un prosedura kouteloso na momento di eventual violashonnan di integridat”, Cecilia ta skirbi.

E anterior griffier ta remarká ku, segun lei di Griffier, tabata deber komo konsehero prinsipal pa informá gezaghebber riba e prosedura apropiá na momento ku konstatá eventual violashonnan.

“Konseho insular mester keda leu for di mina Libertat di prensa i libertat di ekspreshon. Biba e reglanan di violashon di integridat i hasi investigashon preliminar debido, promé ku duna akseso pa su propio kuenta i sin outorisashon pa failnan di email di konsehalnan i papia apsurdes”, Cecilia ta finalisá su reflekshon krítiko.


19



Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top