Connect with us

Kiwanis Club of Young Professionals tin directiva nobo

Aruba

Kiwanis Club of Young Professionals tin directiva nobo


Diahuebs ultimo a tuma luga instalacion di directiva nobo di Kiwanis Young Professionals, pa aña kiwanistico 2021-2002.

Maurits Ras, presidente saliente di Kiwanis of Young Professionals Aruba, a enfatisa cu su aña como presidente tabata uno cu hopi reto. Pero si e ta contento cu tur su metanan cu el a pone personalmente pa cu e club, el a realisa nan. Ta trata di entre otro meta pa crece e club, bin cu mas evento comunitario, evento pa recauda fondo. Y a pesar di e situacion dificil, nan a zorg pa realisa tur e metanan. Tabata un meta tambe pa cada un director di su directiva realisa nan proyecto y nan a realisa esaki tambe. 

Ras ta retira como director di Kiwanis of Young Professionals Aruba y ta habri caminda pa e director nobo, Stephanie Daal, asumi su funcion como director di KYP pa aña kiwanistico 2021-2022. 

Aña pasa, Stephanie Daal tabata secretaria di directiva y tambe vice-presidente, cual ta indiciacion cu e ta na altura di tur loke tabata pasando y kico mester continua. Esaki ta haci cu e traspaso di posicion no tabata algo dificil, pero si por bisa cu Ras lo ta banda di dje, pa asina hunto manera un ekipo continua cu e club. Y naturalmente, hibe na e siguiente nivel. 

PRESIDENTE NOBO

Actual presidente nobo di Kiwanis of Young Professionals Aruba, Stephanie Daal,  tabata secretaria y vice-presidente tambe y e tabata reemplasa e presidente ora cu esaki no tabata por. Esey tabata algo positivo, ya cu esaki a forme den e posicion di presidente di e aña kiwanistico nobo. 

Mas aleu, Daal a bisa cu e ta spera cu e pandemia por calma poco, pa asina nan por bay bek na actividadnan di recaudamento di fondo. Mas fondo nan tin, mas nan por duna bek na comunidad. ESaki ta e meta principal, pero si mester ta hopi creativo den ki tipo di fundraising ta organisa, ki prijs ta stipula. Pero esey ta retonan cu e ta dispuesto pa tuma. Door cu el a traha hopi cu Covid-19, esey ta haci cu e por pensa “outside of the box”. 

UNION

Entrante aña nobo kiwanistico, cu a cuminsa dia prome di october, nan meta tabata pa por uni como un solo famia, un famia completo. Pa no desvia na cuater club, pero uni como un solo club como Aruba. Al final, nan tur ta traha pa e muchanan di Aruba. 

MENSAHE PA PUEBLO DI ARUBA

Como ultimo mensahe, Stephanie Daal, a pidi pa Aruba apoya nan den recaudamento di fondo, e obranan di actividad cu nan ta haciendo. Ta pidi tambe pa keda pendiente, ya cu pronto lo tin Christimas in a box, pa e pueblo por compronde kico e trabou di Kiwanis Club of Young Professionals ta encera. 





Source link

Click to comment

Leave a Reply

Your email address will not be published. Required fields are marked *

More in Aruba

To Top