Connect with us

Kier a baha e auto di caminda: Ex-pareha a keda sin numerplaat

Aruba

Kier a baha e auto di caminda: Ex-pareha a keda sin numerplaat


Diferente unidad di Noord y Playa a dirigi nan mes cu basta urgencia pa un asistencia relaciona cu un persecucion riba caminda di Bubali.

Den careda di 9:30 am, un vehiculo (TX91) a pidi ayudo di polis pasobra e tin un auto ta persiguie di tal forma cu a pone trafico na peliger.
E persona cu ta su tras ta su ex-pareha cu a purba di bah’e di caminda y te asta a pasa su dilanti y break di golpi poniendo su bida na peliger.

Mientrastanto nan a subi Sasakiweg direccion panoord. E otro vehiculo tabata un Toyota Pardo preto (A-37489) cu polis a logra para un poco prome cu Wendy’s Palm Beach. Durante control a bin saca afo cu e number riba e Toyota Prado ta pertenece na e dama na stuur di e TX y como tal a kita e number for di riba e auto cu tabata persiguie.

Despues di intermedia entre e ex-pareha a pidi presencia di takelwagen mirando cu e Prado no por core riba caretera sin number di auto. No tabatin detencion y ambos a bandona e sitio.





Source link

More in Aruba

To Top