Connect with us

KFC a haci entrega di e “Running Chair” na Disjonrick Jacobs

Aruba

KFC a haci entrega di e “Running Chair” na Disjonrick Jacobs


Diamars 21 di juni 2022 KFC a haci entrega oficial di e “Running Chair” na Disjonrick. Algun luna pasa KFC a cuminsa cu e campaña di “Add Hope for Disjonrick”, unda cu tur persona cu cumpra e combo di 5 pida galiña ta contribui pa asina KFC hunto cu e comunidad di Aruba por yuda Disjonrick na yega na su mesun “Running Chair”.

Prome cu tur cos KFC kier gradici e comunidad di Aruba cu ta apoya nan den cada campaña cu nan trece. Mas aun den esaki unda cu KFC kier conscientisa nos comunidad pa sigui yuda mas hoben y persona cu limitacion pa ta mas envolvi den actividad positivo.

Danki na e “Running Chair”, Disjonrick hunto cu Brainer Lampe y Vianney Coffie a participa den nan prome careda cual tabata e “Half Marathon” di KLM. Esaki tabata un tremendo trabou den ekipo di Brainer Lampe y Vianney Coffie.

Brainer tabata sintie un tiki malo un par di dia prome cu e careda di KLM, pero a didici di cuminsa e careda di KLM y esey a haci cu e ultimo kilometers Vianney mester a termin’e, ya cu Brainer su curpa a kibra totalmente.

Brainer su compromiso tabata y ta cu Disjonrick, e no kier a lag’e na caya y a bay pa e reto asina mes. 

KFC ta orguyoso di por ta parti di e team poderoso aki y lo kier sigui apoyanan den hopi mas hasaña.

Ya caba nos por bisa cu e weekend aki, esta diadomingo 26 di juni, Brainer y Disjonrick lo ta parti di e “Aruba International Triathlon 2022”. 

Esaki lo ta un challenge mas grandi, ya cu e ta un competencia di 3 actividad den 1. Aki Brainer lo landra 750 meter, mientras cu e ta trek Disjonrick cu lo ta sinta den un Kayak. Despues lo core riba bais pa 20 km, mientras cu Disjonrick lo ta den e “Running Chair” cual ta adapta perfectamente na e bais. Por ultimo lo core 5 km y aki Brainer lo pusha Disjonrick den su “Running Chair”.

Sigur nos di KFC hunto cu Disjonrick y Brainer no solamente kier gradici e comunidad di Aruba, pero tambe Valentino Wernet di Next Level Barbershop cu a aporta cu e Kayak y FX Sports Aruba cual su team a percura pa arma e “Running Chair” den un tempo record pa e prome careda di KLM.

KFC su management team ta spera cu esaki lo ta e prome stap pa mas cos positivo den nos comuidad y ta invita un y tur pa sigui KFC su diferente pagina social di Facebook, Instagram y awor tambe Tik Tok pa keda bon informa y di tur promocion. Tambe por bishita semper www.kfc.aw





Source link

More in Aruba

To Top