Connect with us

Kandela na seru di shushi na Boneiru ta bolbe lanta kabes: Mas hende evakuá, gobièrnu invisibel

brand landfill foto hans

Caribe

Kandela na seru di shushi na Boneiru ta bolbe lanta kabes: Mas hende evakuá, gobièrnu invisibel


Boneiru

Kandela na seru di shushi na Boneiru ta bolbe lanta kabes: Mas hende evakuá, gobièrnu invisibel

KRALENDIJK – E kandela riba e seru di shushi un tiki pafó di Kralendijk a bolbe lanta kabes durante djadumingu último. E tabata motibu ku mester a evakuá mas hende. Te ku djadumingu anochi tantu Selibon komo Rijksdienst Caribisch Nederland (RCN) a duna masha tiki informashon. Pa sorpresa di hopi habitante i spesialmente esnan direktamente afektá, Entidat Publiko Boneiru (OLB) i partikularmente gezaghebber interino Nolly Oleana no a laga tende di nan.

Djadumingu durante dia a resultá ku e kandela tabata lantando kabes atrobe. Por a mira un kandela grandi. Por kompará e  imáhennan di awe ku esnan ku a publiká djabièrnè kaba. E tabata motibu ku mas habitante mester a bandoná nan kas djadumingu. Djasabra por a papia ainda di minimal 50 evakuado. Djadumingu hopi mas a bini aserka. Asina tantu, ku mientrastantu Buddy Dive resort, kaminda ta alohá e evakuadonan, ta yen. Ta hiba e habitantenan na otro sitionan. Na e momento aki no ta konosí ainda kuantu hende mester a bandoná nan kas.

Tiki akshon, no tin informashon

Segun Selibon lo a hasi preparashonnan djadumingu pa tapa e kandela. No a informá kon lo a hasi esaki. “Nos no por a komprobá tampoko si enbèrdat esaki a tuma lugá”, segun un habitante preukupá ku a bini Buddy Dive djadumingu anochi pa papia tokante e situashon ku e otro damnifikadonan. “Pió ainda. Nos no a tende nada di ningun instansha. Nos ta sinti manera a laga nos pa nos kuenta”.

Djadumingu anochi e kandela ta ekstendé.�

Habitantenan rabiá

“Ayera nochi nos mester a drumi den nos outo. I manera kos ta mustra nos lo mester hasi esei djadumingu anochi atrobe. E situashon ku nos a mira awe nochi riba e seru di shushi ta komparabel ku esun di djabièrnè. Selibon no ta papia ku nos. Pero ta ningun instansha aki ta hasi esei. Kasualmente nos tin un grupo di Whatsapp di bario. Aki den nos ta kompartí informashonnan ku nos ta haña ku otro. Nos tin e sentimentu ku na e momento aki Selibon ta sendiendo mas parti di e seru di shushi na kandela. Pakiko? Pasobra segun mi nan mester krea espasio riba e seru di shushi”, un di e habitantenan rabiá ta bisa.

Djasabra Bonaire.nua papia ku diferente habitante den e bario di Washikemba. Parse ku hopi adulto, pero tambe mucha a haña nan ku problema ku hala rosea. Habitante Farid Ayubi ta bisa ku e tambe ta lidia ku problemanan di salú: “Mi a asta laga hasi un èksamen di sanger den pasado. Na e momentonan aki mi tin problema ku kurason. Mi ta di opinion ku esei ta debí na e kantidat grandi di huma ku mi ta inhalá na e momentonan aki”.

Pa doño di Fatima Snack tambe e kandela tin konsekuensianan grandi. No solamente e ta biba den inseguridat, pero awor el a pèrdè su klientenan tambe: “Loke mi a mira e dianan aki, mi no a mira nunka promé. I mi ta biba binti aña kaba akinan. Niun hende ke bin kome òf bebe algu serka mi mas awor. Mi a pèrdè tur mi klientenan i konsekuentemente no tin fuente di entrada mas”.

Instanshanan inalkansabel�

Esaki ta algun di e hopi storianan penoso di e habitantenan ku ta buskando informashon. Ta parse ku instanshanan ofisial tabata selebrá fin di siman i no tabata alkansabel pa loke ta parse di ta birando un desaster pa e habitantenan. OLB i gezaghebber interino Nolly Oleano no a laga tende di nan ainda. Tampoko no ta biniendo kasi nada di informashon for di Selibon. Riba petishon di Bonaire.nupa papia telefónikamente ku e bosero òf direktor di e empresa pa kontestá entre otro preguntanan di habitantenan, no a bini kontesta.

Djadumingu anochi e bosero di Selibon a laga Bonaire.nusa si: ‘No tin desaster. Un parti di e mésun sitio ku ta kimando, tabata na kandela kaba promé. Tur kos ta keda méskos. E proseso pa kuminsá tapa mañan ta sigui normal. A hasi esaki den konsulta ku Direktorado di Supervishon & Mantenshon i Brantweer’.


11



Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top