Connect with us

Jorgell Diaz ta sigui cu deporte y estudio na Merca

Aruba

Jorgell Diaz ta sigui cu deporte y estudio na Merca


Jorgell Diaz ta un hoben cu ta haci e deporte di baseball. Aña pasa el a participa den un tryout di 297baseball Academy. Aki Farmingham State College a agency’e y dun’e un beca combina di deporte cu estudio, cual e ta bay studia pa Pc Science. Den ora di merdia e hoben deportista a biaha bay Massachusetts, Boston.

Pa e por a haya su beca, e tabata hopi trabou. Segun Diaz, e mester a manda hopi video y papia hopi cu coach. E ta gradici na 297baseball Academy, meneer Brody, cu ta yuda hopi.

E ta yuda door di tuma contacto cu coach di Merca. Pa Diaz esaki ta un soño cu a bira realidad. El a expresa cu no tabatin un manera pa prepara p’e momento aki, unda cu e ta bay pa un tempo largo. Simplemente cu tempo ta custumbra, pero e ta kere cu mentalmente tin un manera pa prepara.

Jorgell Diaz a cuminsa hunga baseball cu su tres aña. Su omo a cuminsa prepare e y el a namora dje wega. Diaz a cuminsa hunga cu Malta Balashi, despues a bay cu Hurricane pero te na ultimo a hunga cu White Sharks. Su meta principal ta studia, pero ta bay preocupa pa traha duro den baseball.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published.

More in Aruba

To Top