Connect with us

Johnny Croes nombra formalmente como Director di Leerorkest Aruba

Aruba

Johnny Croes nombra formalmente como Director di Leerorkest Aruba


El a tuma iniciativa, pero awor Johnny Croes a haya e encargo formal pa dirigi Leerorkest Aruba. Croes ta un musico profesional cu un trayectorio amplio den enseñansa di musica aki na Aruba.

Croes a studio na e prestigio Berkley College of Music na unda e a logra su bachelor degree den Music Production & Engineering y despues di a regresa for di su e studio a traha 21 aña na Scol di Musica Rufo Wever (Stichting Arubaanse Muziekschool) na unda e tabata fungi como sub-director.

Na aña 2018 Johnny Croes a inicia cu e proyecto Leerorkest Aruba y como lider di proyecto hunto cu e coordinador di proyecto Juliette van Romondt y cu e sosten di e miembronan di hunta di directiva, den un tempo relativamente cortico a logra pa tur scolnan basico haya les di musica (Algemene Muzikale Vorming) na un manera structura y innovativo. Aparte di e AMV lesnan online, tambe a logra cu 5 scol, Colegio Laura Wernet Paskel, Prinses Amalia Basisschool, St. Paulus School, Graf Von Zinzendorfschool y SOAZA ta hayando les ariba instrumentonan manera, fio, cello, dwarsfluit, clarinet, trumpet, trombone, French horn, contrabaho, drums y percussion.

Cu su funcion como director, Croes tin e meta pa Aruba yega na un curiculo nacional di educacion di musica y tambe pa Leerorkest Aruba por tin su propio instrumentendepot.

Leerorkest Aruba a bira realidad danki na sosten di Ministerio pa Husticia y di Siguridad di Hulanda pa medio di Leerorkest Amsterdam y ta carga pa Fundacion Leerorkest Aruba.

Pasobra Musica ta pa Tur Mucha!





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top