Connect with us

Joaquin Manuel ta na Aruba pa presenta su coleccion nobo di pinta huña: Dushi

Aruba

Joaquin Manuel ta na Aruba pa presenta su coleccion nobo di pinta huña: Dushi


Creador di e liña Juaquin Manuel Nail Polis, Juaquin Manuel a yega Aruba y a bin cu su creacion di mas nobo, e pinta huña dedica na nos dushi isla yama ‘Dushi’.

E ta conta di ta hopi contento di ta na Aruba, un pais cu a brind’e hopi pa asina trece su ultimo creacion pa un y tur.

Juaquin Manuel tin hopi aña ta bishita Aruba. El a traha como docente den pasado y awo pa prome biaha e ta bin bek cu su marca ‘Juaquin Manuel Nail Polish’. E impacto cu nan tabatin ta hopi, el a conta. El a crea un comunidad na Aruba for di hopi tempo y a ripara cu Aruba ta un pais hopi gradicido y e mes ta sinti hopi gradicido tambe.

TOTALMENTE ORGANICO

E pinta huña ta ‘cruelty free’ y totalmente organico. Juaquin Manuel a cuminsa su marca door di su mama, kende tabata pashent di cancer. Door di esey el a priminti su mama, kende tabata sufri hopi di dolor, sacamento, etc., cu e lo crea un color cu no lo bay tin ningun tipo di efecto secundario.

Lamentablemente su mama a fayece di cancer di pecho y no por a cumpli cu su deseo. Sinembargo bida a dun’e forsa y e demas hende muhenan cu tabatin mester di dje, a dun’e forsa pa por a crea e liña ‘Joaquin Manuel Nail Polish’, cu ta un liña 7 Free.

KICO TA 7FREE

E producto 7Free ta simpel. E ta un producto cu no ta contene e shete ingrediente kimico cu ta dañino pa salud, cu ta kimico cu ta afecta salud. Adicional n’e esey e ta ‘cruelty free’ y ‘vegan friendly’. Aki ta reuni tur cualidad y loke e clientela di awendia ta pidi p’e. Esey ta ‘Juaquin Manuel Nail Polish’.

CONTENTO DI TA NA ARUBA

Joaquin Manuel a comenta tambe cu e ta contento tambe pasobra el a cuminsa den The Beauty Lounge na Aruba y e ta gradicido cu e salon aki a dun’e, di por a yega y por a presenta n’e comunidad, na tur Arubiano e magia asina interesante cu nan ta haciendo. Danki na e Salon aki unda cu a cuminsa y por a expande rond di e isla. Joaquin a comenta cu diahuebs el a yega Aruba oficialmente y su producto tabata practicamente ‘sold-out’, nan tabata wardando riba dje, el a comenta.

Joaquin Manuel no tin con pa gradici p’e apoyo grandi cu el a ricibi na Aruba. E ta bisa finalmente: “Aruba a tuma mi como su yiu. Esey p’ami ta representa un respet y un balor na unda cu mi bay, semper mi lo bisa Aruba ta Aruba.”





Source link

Click to comment

Leave a Reply

Your email address will not be published. Required fields are marked *

More in Aruba

To Top