Connect with us

Jeandrick Oduber a bolbe causa destruccion na cas di su ex

Aruba

Jeandrick Oduber a bolbe causa destruccion na cas di su ex


E mucha homber “bon mucha” Jeandrick Oduber a yega cas di su ex mainta pasa di 8:00. Segun e tata Otmar Oduber ta un bon mucha su yiu ta. Diadomingo mainta el a yega den un Cherokee cora na e adres Laurens Costerstraat 53. E ex no kier a habri porta p’e. El a cuminsa destrui varios bentana di e cas pa asina purba drenta. A yama polis mesora pasobra su intencion no tabata bon. Polis a scucha cla cla con bentana tabata kibra segun e yamada di auxilio tabata andando. Varios unidad di polis a bay na e cas. Ora cu nan a yega, Jeandrick Oduber, manera un cobarde a huy caba den e Cherokee. Un unidad a keda na e cas mientras cu otro dos unidad a bay Pavia 123 pa busca drechi di Jeandrick Oduber y e Cherokee cora cu el a huy for di e sitio. E ex-pareha a haci un denuncia oficial mesun momento. Por spera detencion di Jeandrick Oduber atrobe cualkier momento. E departamento tecnico di polis a presenta pa asina tuma evidencia di tur e daño cu Jeandrick Oduber a comete. No ta prome biaha cu Jeandrick Oduber ta comete algo asina. Hasta contra mesun pareha aki el a yega di agredi dilanti e yiunan di e pareha. Esey ta nifica cu e storia di Otmar Oduber cu Jeandrick su yiu ta “hopi bon mucha”, no ta cuadra.





Source link

More in Aruba

To Top