Connect with us

Ivo Valdes (Pensionado): “Gobierno a manda mi curso y perhudica mi pensioen”

Untitled design 30 1

Caribe

Ivo Valdes (Pensionado): “Gobierno a manda mi curso y perhudica mi pensioen”


Ivo Valdes, Presidente di Organisacion di Pensionadonan Publico di Aruba (OPPA), normalmente ta bringa pa derecho di tur pensionado. Pero awe e ta un busca di un derecho di su mes. EL a bin ripara cu pa mas cu un decada SVb (e banco di seguro social) ta perhudicand’e kitando 2% di su pensioen, sin hustificacion.

Despues cu a cuminsa mand’e di cashi pa muraya, Valdes a dicidi cu e ta bay haci un denuncia publico pa mira si e por haya solucion pa su caso. Sino, e ta haya su mes obliga di acudi na hues. Mas despues cu ta resulta cu su dossier ta “spoorloos”.

E pensionado tabata den Enfoke cu Patrick Paskel y di loke a bini dilanti ta keda demostra un biaha mas e necesidad di un Ombudsman. Aruba ta e unico den Reino Hulandes cu no tin e funcionario aki na unda un ciudadano por acudi na momento cu e bira victima di gobierno y no ta haya ayudo.

Ivo valdez

Tur e situacion di Ivo Valdes tin di haber cu e echo cu ora e tabata traha como docente, a mand’e Hulana cu un studieopdracht pa cual e mester a kita su nomber aki na Aruba pa e haya un cas na Hulanda. Sinembargo den e aña cu el a keda afo, a sigui paga e prima di pensioen.

Inicialmente e no por a compronde di con ta kit’e. Y finalmente el a haya e prueba cual e por uza pa contradeci e reduccion eroneo riba su pensioen. Den toelichting ta para cu tin excepcion pa esnan cu ta bay afo cu un studieopdracht. E ora no ta kita algo di nan pensioen.

Pa un relato amplio, lesa TREMPAN.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top