Connect with us

Islanan ta promé ku ta disparsé�

GREENPEACE GP0SU06JZ PressMedia

Caribe

Islanan ta promé ku ta disparsé�


Naturalesa i medio ambiente

Islanan ta promé ku ta disparsé�

Pa Caribisch Netwerk | Marit Severijnse

Habitantenan di Boneiru i Greenpeace a bai korte na luna di yanüari 2024 pa keha estado Hulandes. Nan ta di opinion ku Hulanda mester bini mas lihé ku ta posibel ku medidanan pa lucha kontra e konsekuensianan di kambio di klima na Boneiru, Saba i Sint Eustatius.

Caribisch Netwerk ta sera konosí ku diferente habitante ku ta komprometé nan mes komo ‘demandante’ den e kaso den korte. E biaha aki ta Judmar Emeeenciana i Jackie Bernabela.

Judmar Emerenciana ta artista, diseñadó gráfiko i taksista. Ounke e ta komprometé su mes komo demandante pa e kaso den korte , e no ta mira su mes komo aktivista di klima. “No nesesariamente. Mi ta haña importante pa uza mi bos komo Boneriano pa konta di e situashon.”

Bringa ku un grupo di habitante pa e mésun kousa ta duna un bon sentimentu segun Emerenciana. “Asina bo ta haña sa hopi tambe kon kambio di klima ta afektá otronan den nan bida diario. Ami ta un di esnan mas hóben, pues mi ta siña na promé lugá hopi di e otronan.”

Demandante Jackie Bernabela si ta yama su mes un aktivista di klima. “Mi ta un i e yunan di tera ku ta bringa pa e kaso aki. Hopi biaha ta yama personanan ku ta protestá histériko. Pero ta e echonan ta histériko.”

Kalor i nivel di laman ku ta subi�

“Tur kaminda na mundu tin orkan i kandelanan di mondi”, Bernabela ta bisa. Pero aki nos ta ripará e konsekuensianan di emishon CO2 tambe. Si bo wak e kasnan di katibu por ehèmpel bon, bo por mira ku awa di laman a subi tera hopi kaba. El a afektá e parti abou di e kasnan kaba.”

Emerenciana tambe a ripará e nivel di laman ku ta subi. “Bo ta mira esei na e kasnan di katibu, pero tambe na Sorobon. Promé ku e rapòrt di Greenpeace mi no tabata sa kon malu e situashon tabata di bèrdat. Ounke mi tabata sinti natural si ku e klima tabata kambiando.”

E temperatura no ta meskos mas ku antes por ehèmpel. “Dia mi tabata chikitu, nos tabata hunga bala pafó tur ora i mi tabata kana bai skol hopi. Awor ta muchu kayente pa hasi esei. Hopi personanan di edat avansá no por bai un ratu mas pafó, nan ta preferá di sinta paden den èrko.

Preukupashon
Bernabela i Emerenciana ta preukupá pa e echo ku no tin un plan pa protehá habitantenan. “Nos mester adaptá nos mes mas lihé posibel na e kambio di klima”, Bernabela ta bisa. “Por ehèmpel riba tereno di seguridat, desagwe, servisionan di emergensia, ètc. Di baina nos kayanan por resistí un bon yobida.”

“Si nos no haña yudansa, e personanan den e parti Suit ta perdè nan kas”, Emerenciana ta bisa. “Nos ta pèrdè Sorobon tambe, kaminda nos sùrfdónan ta bini, Bahia di Lac, kaminda un parti grandi ta bou di awa kaba i e kasnan di katibu. Un parti di nos historia.”

Inisiativanan na Boneiru mes

Segun e demandantenan tin bon inisiativa na Boneiru mes, pero nan no ta sufisiente. “Manera plantamentu di palu di mangel. Algu ku por ehèmpel por wanta e awa”, Emerenciana ta konta. “Pero eseinan ta kosnan chikitu. Nos ta spera ku Hulanda por sigui yuda nos.”

“Na Klein Bonaire i den Parke Washington tambe ta plantando palu, pero ta dura basta largu promé ku un palu asina bira grandi pa apsorbé CO2, Bernabela ta bisa. “Tin biaha nos ta desesperá un tiki, pasobra kontrali na paisnan grandi nos no por hasi masha kontra.”

Espektativanan
Emerencia i Bernabela ta spera ku e situashon ta bira un tiki mas konosí serka e habitantenan. “Asina nos por traha mihó huntu i yega na solushonnan”, Emerenciana ta bisa. “Di moda ku nos yu- i ñetunan tambe tin un futuro akinan.”

“No ta trata solamente di konstruí deiknan, pero tambe di konsientisashon”, Bernabela ta bisa. “Ta muchanan di futuro lo haña nan konfrontá ku esaki i esei ta duelmi hopi. Mi ta spera ku Hulanda no laga nos pa nos kuenta.”

For di investigashon di Universidat Liber di Amsterdam, riba enkargo di Greenpeace, ta resultá ku e kantidat di persona malu i kasonan di fayesimentu lo krese pa motibu di e wer ekstremo i olanan di kalor. Na final di e siglo aki, segun espektativa un kinta parti di Boneiru lo ta bou di awa si no tuma akshon. Sinembargo apenas tin plannan pa protehá e habitantenan di e munisipionan spesial. Kontrali na Hulanda Europeo.


6



Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top