Iresponsabel: Yiu chikito den auto y mama pafo ta bebe casi mey anochi

Polis a presenta diabierna anochi riba Linear Park pa atende c’un mama riba trip cu su yiu chikito. E yiu tabata den auto, marca Suzuki modelo Swift ta hunga cu un blaas y e mama para pafo ta bebe manera nada no ta pasando. E situacion aki a pasa casi mey anochi. Diferente persona den cercania tabata preocupa pa e situacion y a dicidi di bati alarma na polis.

E chikitin toch tabata gosa di e musica y ta bula den auto cu e blaas, pero esaki no ta e miho manera pa laga un mucha laat anochi riba caya y den un ambiente negativo. Polis a atende cu e mama riba su comportacion y mirando e bienestar di e mucha. Mirando e orario, a conseha e mama iresponsabel aki pa bandona sitio p’asina e mucha bay cas.