Connect with us

Investigacion riba morto di Luisangel Figueroa merece mas atencion

Aruba

Investigacion riba morto di Luisangel Figueroa merece mas atencion


Aña pasa dia 18 di october e hoben DJ Luisangel Figueroa a cay den parkeerplaats di shopping center, unda na hospital el a fayece. Famia di Figueroa ainda ta pidi husticia, pasobra nan kier sa kico ta pasando cu e investigacion. Mama di Luisangel Figueroa tabata den Enfoke pa splica mas kico a pasa y con cos ta bayendo.

Un pregunta cu ta pasa den cabes dje mama ta cu con su yiu no por tin mas fractura na su curpa solamente esun di craneo. Luisangel Figueroa a muri dje fractura di craneo, asina Anahixa Flores, mama di Luisangel Figueroa, a splica. El a relata riba e forma con a haya Luisangel benta y tabata straño. Un cos cu a bis’e ta cu den henter e parkeerplaats di Paseo Herencia no tin camara, pero awo cu ta laat nan a pone.

El a splica cu Luisangel no tin auto y su persona tabata hib’e y busc’e. Pero e dia ey como e mama mester a traha, e mes no por a hiba Luisangel, kende a dicidi di bay cu bus. Anahixa Flores a splica cu dia 18 di october su yiu a bay haci su toca y e tabata wardando su yamada pa asina busc’e. El a hasta yam’e algun biaha, pero no tabata contesta y un biaha a reject su yamada. E mama a opta pa tuma contacto cu su otro yiu, puntrando si e por a tende di su ruman. Aki el a haya sa cu su yiu tabata na hospital. Na momento cu polis a yam’e, a bis’e cu e mester bay hospital cu urgencia. El a presenta na Departamento di Emergencia, unda Luisangel ainda tabata na bida, pero despues a fayece den su brasa.

MINISTERIO PUBLICO A DESCARTA SUICIDIO

Segun Flores, Ministerio Publico no a yama su persona. El a bay tanto na Ministerio Publico como recherche dos biaha riba su propio iniciativa. E ultimo biaha cu el a presenta eynan, el a haya straño cu recherche tabata tin e pensamento cu Luisangel a mata su mes. E ta haya cu esey no ta posibel y a presenta eynan cu tur trabou di scol di Luisangel cu e tabata tin cla p’e siman ey. “Un persona cu kier mata su curpa, e no ta bay ta haciendo plan pa otro siman”, e mama a expresa.

E mama no a mira niun señal. E dia siguiente el a presenta na Ministerio Publico y aki a bis’e di descarta suicidio. Bisando esaki, nan no tabata sincronisa bon cu otro.

Flores a presenta na funeraria y saca potret dje curpa di Luisangel. El a presenta na hospital, riba peticion di recherche, pa pidi un informe di tur loke Luisangel tabata tin. Na hospital a tuma su dato y pone como urgente, ya cu ta polis a pidi esey. Pero nan a mand’e un carta bisando cu su yiu tin di presenta y firma na hospital. El a reacciona riba nan y bisando cu e lo pasa na funeraria pa su yiu firma, pasobra ta supone cu esey ta un ley. Kiermen Luisangel mester a firma prome cu el a muri. 

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top