Connect with us

Inscripcion ta habri pa O’STAD200 Incubator: Fomentando resiliencia y exito empresarial na Aruba

Caribe

Inscripcion ta habri pa O’STAD200 Incubator: Fomentando resiliencia y exito empresarial na Aruba


Impact Hub Aruba a lansa un iniciativa significativo cu e evento inaugural di O’STAD200 Incubator, caminda e resiliencia empresarial tabata e tema central. E obhetivo di e evento aki ta pa coincidi cu e fecha limite pa inscripcion p’e programa, cu ta busca pa motiba esunnan interesa den cuminsa of escala nan negoshi.

Mary-Ann Falconi-Rasmijn, co-fundado di Impact Hub Aruba, a splica cu e sesion aki tabata altamente informativo y inspirado. Ta busca pa kibra e mito e percepcion cu e mundo di negoshi ta facil y mustra e realidad di emprendimento, cu ta rekeri supera contratiempo y tin e disciplina pa cuminsa di nobo cada dia. “Resiliencia t’e clave,” Falcon-Rasmijn a destaca.

CK9A6603

O’STAD200 Incubator ta un programa intensivo di tres luna dirigi p’e personanan cu idea di negoshi of empresa ya existente, sea startups of scale-ups. Durante e periodo aki, e participantenan lo ricibi formacion, curso, workshop y evento diseña pa acelera nan crecemento y aumenta nan oportunidad di exito. E obhetivo ta crea un base empresarial mas resiliente y prepara e sistema empresarial di Aruba pa futuro, celebrando e 200 aña di Oranjestad den e contexto di desaroyo di negoshi.

E colaboracion entre e sector priva, Camara di Comercio, Universidad di Aruba y Ministerio di Asuntonan Economico tabata fundamental pa haci e programa aki posibel. E participantenan lo ricibi mentorship y guia durante e proceso y lo competi na november pa un premio total di 20 mil florin: 10 mil pa startups y 10 mil pa scale-ups. Fuera di esey, e programa lo sigui ofrece sosten durante seis luna mas pa sigura cu e empresanan establece di e miho manera posibel.

E inscripcionnan ta habri riba e website di OSTAD200.com, caminda cu por haya e cronograma completo y e rekisitonan di registro. E capacidad ta limita na 35 participante, pa cual lo realisa un proceso di seleccion pa determina e finalistanan. Falconi-Rasmijn ta anima tur e interesadonan pa probecha e oportunidad aki pa transforma nan idea den realidad empresarial exitoso.





Source link

More in Caribe

A2Z ADMINISTRATION

AD

To Top