Connect with us

Iglesia Cristo Rey a celebra Dia di Corpus Christi

Aruba

Iglesia Cristo Rey a celebra Dia di Corpus Christi


Diadomingo iglesia Cristo Rey a celebra Dia di Corpus Christi. Nan a recorda e curpa y sanger di Cristo. Mayoria hende cu a ricibi sa e significacion cu esey tin.

Pastoor Andry Soto a splica p’e motibo ey Parokia Cristo Rey a haci un bunita procesion cu e santisimo sacramento den e bario di Brasil. Tabatin shete monumento y na cada uno tabata resa. A cuminsa resa pa pais Aruba, asina pa enfermo, esunnan cu ta pober, cu ta pasa den momento dificil, pa sacerdotenan. Kiermen tabata momento di adoracion, momento di reconoce Hesus den presencia real, pero pidiendo bendicion pa pais Aruba.

E intencion tabata pa bay den bario y na un manera bunita Hesus a bishita nan. Segun pastoor Soto, esey ta e parti cu Hesus semper ta presente den e santisimo, sacramento di altar, ora hopi hende ta presenta na misa pa resa. Tambe iglesia Cristo Rey tin un kapel, e Tabernacle.

Pero e biaha aki tabata bunita cu e santisimo a sali rond di parokia pa bishita e fielnan. Esey tabata pa nan sinti di un Dios cu ta compaña nan. “E no ta scondi, sino ta compaña nos cada momento di nos bida”, pastoor Soto a expresa.

Pa mas lesa TREMPAN.COM.





Source link

More in Aruba

To Top