Connect with us

IDEA ta organisa tayer pa aporta n’e conocemento di e pensionado

Aruba

IDEA ta organisa tayer pa aporta n’e conocemento di e pensionado


IDEA (Desaroyo pa Empresa Arubano) un unit di Departamento di Asuntonan Economico, Comercio y Industria, ta organisando e workshop aki GRATIS y kier a invita tur persona cu  kier bira un entrepreneur cu ta cay den e ‘doelgroep’ menciona aki riba pa bin participa den e  workshop aki, cu sigur lo aporta na boso conocemento. 

E workshop aki lo ta presenta door di diferente profesional den diferente ramo. E  dianan aki e oradornan lo yuda bo brainstorm bo ideanan y haci bo ideanan bira realidad.  

E siguiente oradornan lo ta presente y lo presenta e siguiente topiconan: 
∙ Dave Martinus, Certified Business Coach pa ActionCOACH y lo presenta ‘Kico ta  ensera entrepreneurship’; 

∙ IDEA, lo elabora tocante tur nan servicio- y trainingnan/ curso cu nan sa ofrece na clientenan y tambe lo presenta y duna guia pa traha bo ‘Business Plan’; 

∙ DEZHI, afdeling di Vestiging van Bedrijven lo papia di tur e tipo di vestigingsvergunningen  (permiso pa establece un negoshi) cu tin y cu bo lo por aplica na e departamento aki;
∙ Douane, lo presenta tocante e siguiente topiconan: Agricultura, Cria y Pesca, compania  industrial, Vrijstelling, importacion y exportacion; 

∙ Gayle Arends, Policy Advisor Sustainable Development Planning na Departamento di  Asuntonan Economico; y lo elabora ‘Con pa aplica e tema sostenibilidad den bo negoshi’; Notaris Johnson; lo presenta tema di: bedrijfsvormen (eenmanszaak/ NV/ VBA),  

bedrijfsopvolgingen (diferencia den companianan) ora cu bo lo kier cuminsa un negoshi y  tambe lo presenta tocante testamenten/ nalatenschap (kico por laga atras y pa ken); ∙ SVB, lo presenta tocante wergevers- en werknemers verzekering (primanan social)
∙Benny Richardson, lo papia y mustra e importancia pa ta exitoso den bo bida personal  door di biba un bida saludabel (come saludabel y sport). Tur esaki ta bo mindset pa ta un  entrepreneur exitoso!; 

∙ Futura, lo presenta con pa aplica innovacion den bo negoshi; 

∙ Santa Rosa, con bo por haci di agricultura bira comercial. 

Tambe lo tin intercambio di experiencia di e siguiente personanan: 

– Susie Franken, propietario di Djiespie’s Place, lo duna su storia di exito;
– Lionel Rumnit, kende ta specialisa como Job Coach na ‘Trampolin pa Trabao’, y lo conta, con e ta train e personanan cu disabilidad pa den futuro por drenta den mercado laboral den nos sociedad; 

– Sandra Brown, lo elabora tocante su storia di exito di tin un cas di anciano;  – Merrill Robles (un pensionado), con e ta yuda comunidad pa medio di un negoshi   y pafo di un negoshi. 

E workshopnan aki lo ta completamente gratis y tuma luga dianan 20 pa 24 juni venidero,  entre 8:15 a.m. pa 12:30 p.m na Departamento di Asuntonan Economico, Comercio y Industria. na Sun Plaza, di dos piso, sala # 25. 

Tur persona cu lo desea di participa den e workshop aki por registra via e siguiente maneranan aki: 

∙ Via nos Facebook-page: Idea-Aruba, wak e add di ‘Silver Entrepreneurship’ (ful  ariba), den e texto mester primi e link, cu lo manda bo na e link di Eventbrite (skirbi  aki bao), y ey por yena, nomber y email; 

https://www.eventbrite.com/e/silver-entrepreneurship-workshop-for-retired-or-soon to-be-retired-tickets-360492551927 

∙ of por yama Judella of Louella na telefon #: 521-2440 / 521-2439 

∙ of email Judella na [email protected] 

Cupo ta limita, nos ta warda bo!





Source link

More in Aruba

AD

Advertisement

Trending

Advertisement
To Top