IDEA cu tayer tocante “Youth Entrepreneurship”

Departamento di Asuntonan Economico, Comercio y Industria mediante su unidad Iniciativa pa Desaroyo di Empresa Arubano (IDEA), cu sosten di Ministerio di Asuntonan Economico, Comunicacion y Desaroyo Sostenibel, mr. Geoffrey Wever, ta organisando durante 3 dia di e herfstvakantie 2024, un proyecto tocante,“Youth Entrepreneurship”.

E proyecto aki ta consisti di algun tayer diseña special pa hobennan entre e edad di 12 pa 17 aña. Durante e tayernan aki e hobennan lo haya e habilidad, conocemento y mentalidad necesario pa ta un empresario exitoso den futuro.

Algun di e temanan y oradornan ta: 

·         Crea conocemento di ‘Kico ta encera Entrepreneurship” pa. Sharon Meijer

·         Topico tocante, ‘Marketing, Branding & Public Relations’ pa Susanna Maduro

·         ‘Inspirational & Motivational Speakers’: Karixon DJ/ Producer y  Jalken Antonia (Stg JA IK Aruba)

·         ‘Creative Entrepreneurship’ pa Sharina Gumbs/ (Art Coaching);

·         ‘Business Plan’ pa IDEA

·         ‘How to Invest, Budget & Save’, sra. Jenniffer Guzman/ (Bold Properties)

E tayernan aki tuma luga na Departamento di Asuntonan Economico, Comercio y industria na L.G. Smith Blvd #160 / Sun Plaza (piso 2), riba 7, 8 y 9 october 2024. Orario lo ta di 8:15am te cu 12:00pm.

Entrada ta completamente GRATIS, y lo tin un snack y juice.

E workshopnan aki ta representa un oportunidad valioso pa inverti den e futuro di nos hobennan. Nan lo ta ekipa cu e habilidad empresarial necesario pa por sigui innova y crece nos economia.

Nos ta conta riba bo sosten pa haci e iniciativa aki un exito.

Pa por registra bo yiu pa participa, por manda inscribi via e link aki: https://www.surveymonkey.com/r/Youthpreneur

No tarda pa inscribi pasobra e cupo ta limita.