Connect with us

Hulanda: Tres menor a fayece den accidente frontal

Aruba

Hulanda: Tres menor a fayece den accidente frontal


Tres menor di edad a muri den un accidente frontal entre un ambulance y un vehiculo na Helmond. Ta trata aki di dos mucha homber di 15 y 16 aña di edad di Eindhoven y un otro mucha homber di 16 aña procedente di Neunen. Esun ultimo tabata esun cu tabata tra’i stuur.

Un di cuater ocupante, un mucha homber di 15 aña di Eindhoven, a resulta gravemente herida. No a revela identidad di e auto ni con e adolescentenan a yega na posee e vehiculo. Na e sitio a bin haya un boter di ‘nitro oxido. Lo bay investiga si esaki tabatin un rol den e accidente.

Un vocero di polis a bisa cu e auto di pasahero probablemente a termina na e banda ekiboca di caminda y a boks contra e ambulance un poco despues di mey anochi. Dicho ambulance a caba di atende cu un melding y tabata bayendo bek na e puesto di ambulance, sin ningun pashent.

Dos miembro di persona di ambulance tambe a resulta herida den e accidente. A transporta nan pa hospital, como tambe e mucha homber di 15 aña cu a sobrevivi esaki. Segun polis, e heridanan di e personal di ambulance tabata leve, pero a registra nan den hospital pa observacion.

A cera e luga dje suceso na Heeklan den Helmond despues di e accidente. A tuma ambos vehiculo den beslag pa un investigacion grandi.





Source link

Click to comment

Leave a Reply

Your email address will not be published. Required fields are marked *

More in Aruba

To Top