Connect with us

Hues ta limita un prohibicion di welga contra recorte salarial pa SEPPA

Aruba

Hues ta limita un prohibicion di welga contra recorte salarial pa SEPPA


Posted on 04/20/2022 3:47 pm AST | Updated on 04/20/2022 3:49 pm AST

ORANJESTAD – Hues diaranson den un sentencia a emiti un prohibicion limit ana sindicato SEPPA pa welga contra e recorte di salario di 12.6% of tene cualkier otro accion colectivo si esaki ta pa forza gobierno pa cambia of para e recorte salarial di 12.6% manera palabra cu Hulanda. Ademas e ta prohibi SEPPA pa tene cualkier otro welga of accion colectivo pa forza gobierno pa riba un termino cortico, presenta un solucion alternativa contra e recorte salarial, tanten cu e accionan ta inclui no trahamento pa un tempo indefini structural. Cu esaki, gobierno ta gana su caso parcialmente cu e la entama contra e sindicato pa frustra e sindicato pa welga. Esaki, pasobra contrario na e sentencia duna, gobierno a pidi un prohibicion di accion mucho mas amplio, unda cu SEPPA lo no por tene ningun welga mas contra gobierno, riba ningun otro tereno. Ademas, hues ta haya si necesario pa gobierno duna mas informacion riba e pasonan cu e ta tumando pa logra un alternativa structural cu mester reemplaza e recorte di salario. 

HALA ATENCION DI GOBIERNO

Mientras cu hues a duna gobierno razon y prohibi e sindicato di welga, e la hala atencion si di e mesun gobierno, pa no ta actuando diligente riba e pasonan pa drecha su situacion pa loke ta reduccion di gastonan di personal. Gobierno, segun hues, no a duna suficiente informacion y no a defende su causa suficiente den e caso sumario. Ademas hues a tuma nota cu Hulanda no a bay di acuerdo cu e peticion di Aruba pa reduci e recorte salarial, pero si tabata dispuesto pa scucha con gobierno por reduci e gastonan salarial di otro forma. “Esaki ta nifica cu e postura di Hulanda den todo caso  no por conduci na e conclusion cu gobierno di Aruba no por compromete cu SEPPA den cualier forma den su peticoin, manera cu gobierno a pretende cu Hulanda lo no kier suavisa e medidanan actual na vigor”. Corte a nota tambe cu segun e proposicion cu gobierno kier presenta na CAft awor, ta trata di algo ‘completamente diferente’. Ta trata di un modelo unda cu e recorte riba e vacantie uitkering y e toeslag di 7.6% ta keda vigente, pero ta kita e recorte salarial di 5%, pero ta impone mas recorte of limitacion riba diferente otro condicion di trabou, entre nan ATV dagen y e overtime. Pa e sentencia completo, click AKI





Source link

More in Aruba

To Top