Connect with us

Hues a dun’e un chens: No por kita trahado cu kier a hiba pizza cas den tas

Aruba

Hues a dun’e un chens: No por kita trahado cu kier a hiba pizza cas den tas


Den un veredicto hues a anula e decision di Hadicurari Restaurant pa a duna retiro inmediato na un empleado. Esaki pa motibo cu a haya un pida pizza complementario den su tas. Ta bisa cu e tabatin intencion di bay cu ne su cas, pero reglanan di trabou ta bisa cu esaki no por.

Ta trata di un pizza complementario cu empleadonan ta haya pa come na trabou y no ta permiti pa bay cas cu ne.
Durante control den tas di e labado di tayo, a haya e pizza den un saco bruin den e parti abou di su tas. Pa e motibo aki a dicidi di mande cas y dia 22 di october, 2020, a inform’e oficialmente di su schorsing.

Algun dia despues a inform’e por escrito cu a kit’e di trabou di inmediato. E motibo ta “e mal habito pa bay cu material di trabou y cuminda cas”.

E empleado no a keda contento y a bay Corte. Despues di tratamento den luna di september, un decision a cay e luna aki. Corte a duna e trahado rason y a bisa cu e motibo di retiro no ta proba, no por papia di custumber y no por bisa cu el a bay su cas cu ne, pasobra ainda e tabata trahando.
A dicidi cu mester sigui pag’e su salario te ora cu finalisa e relacion di trabou di un forma legal.

Pa mas detayes, lesa e siguiente edicion di TREMPAN.





Source link

Click to comment

Leave a Reply

Your email address will not be published. Required fields are marked *

More in Aruba

To Top