Connect with us

Hues a duna Minister Tjon rason den deportacion di ilegal

Aruba

Hues a duna Minister Tjon rason den deportacion di ilegal


E hecho cu e homber Willem Enrique Ortiz-Fuenmayor tabatin dos aña ilegal na Aruba y sin un permiso di estadia of trabou, ta hustifica e decision di Minister Rocco Tjon, encarga cu husticia y asuntonan social di nos pais, pa deport’e bek pa Venezuela. E defensa di su omo, Clyde Fuenmayor, a bisa cu e ta un inversionista y cu e lo a inverti mas di 1 miyon florin den su peluqueria y cu e sobrino ta su ‘persona di confiansa’, no a yud’e durante e caso den corte di LAR awe mainta.

Durante tratamento di e caso na ningun momento e peluquero no por a demostra, cu prueba, ta unda el a inverti e miyon ey. Na Camara di Comercio ta indica cu su negoshi ta un inversion di apenas 50 mil florin, pues no ta hustifica pa tin un persona di confiansa. Y riba dje, hasta pa esey mester pidi un permiso y DIMAS mester verifica cu a haci e inversion y ta otorga un permiso di estadia y di trabou. Esey e persona aki nunca a haya y como tal, a keda dos aña ilegal na Aruba.

Hues a califica e decision di Minister Rocco Tjon como husto y a rechasa e peticion di famia Fuenmayor pa declara e decision di Minister Tjon nulo y pa manda busca e sobrino bek for di Venezuela riba cuenta di gobierno di Aruba. Claro cu famia Fuenmayor tin dos siman pa apela si nan no keda contento cu e decision di LAR. Director di Guarda nos Costa, Richard Kramers mes a defende e maneho di Guarda nos Costa y e decision di su hefe, esta Minister Rocco Tjon.

Ta bon pa menciona cu na momento cu e homber Venezolano tabata deteni na Guarda nos Costa pa algun siman caba y ora a sali na cla cu lo deport’e fin di november, diripiente dos dia prome cu su deportacion a haci peticion na DPL pa permiso y un dia prome minister Glenbert Croes a firm’e p’e. Aunke esey no ta un permiso pasobra DPL no ta e instancia pa duna permiso, sino DIMAS. Y e ultimo aki no a duna ningun permiso.

Ta e tipo di accionnan aki mes a pone cu algun luna pasa, apenas par di siman sinta como minister di husticia, cu Minister Rocco Tjon a manda un carta pisa pa su colega Glenbert Croes di integracion y labor, den cual el a hala su atencion pa e practica aki. Tjon ta referi na ilegalnan cu ta detene marduga y pa merdia nan permiso ta sali caba. Tjon kier ta sigur cu e ta “dek su lomba” si den futuro bin un investigacion riba e practica dudoso aki.





Source link

Click to comment

Leave a Reply

Your email address will not be published. Required fields are marked *

More in Aruba

To Top