Connect with us

Hubert Maduro: Votamento electronico no ta sinonimo di corupcion

Aruba

Hubert Maduro: Votamento electronico no ta sinonimo di corupcion

Den e ultimo temponan tabata tin hopi discusion den comunidad encuanto si ta uza scanner na momento di voto of no ta haci uzo di e mashin. Na momento cu gobierno a anuncia di e posibilidad cu eleccion 2021 lo ta uno electronico, hopi ta e criticanan cu a bay den direccion di gobierno.

Democracia a bay asina leu, cu e poco cu nan sa, ta pone riba Facebook y ya caba e ta gradua den periodismo. Esaki ta e estado cu nos ta bibando den dje. Di un banda, ta un lastima cu a cancela e uzo di scanner den eleccion 2021 riba conseho di Crisis Team. Pero en general, Conseho Nacional ta traha a base di ley, esaki ta nan herment.

Hubert Maduro: Votamento electronico no ta sinonimo di corupcion 5

Gobierno tin cu duna Conseho Nacional Electoral e leynan pa traha cu ne y nan ta studia y implementa esaki. Hubert Maduro, vice-presidente di Conseho Electoral, a bisa cu e ley electoral di Aruba ta data di 1949, cual ta mas di 70 aña, pero ley Electoral di Hulanda ta mas bieu ainda. Na Hulanda ainda ta vota cu papel, e ta un proceso cu ta tarda mas, pero e ta bay. Si no kier haci uzo di mashin, ta warda cu esaki.

Si tin hende cu ta haya cu tin corupcion den votamento na Aruba, e lo mester bin cu prueba. Tabata tin un persona riba un lista politico cu a tilda directora di Censo di corupto, sin cu e tin prueba. Directora di Censo, Sharin Luydens ta un ex-polis y un hurista. E sa su leynan y con pa implementa esaki, Maduro a bisa. E señora aki por manda e cabayero cu a bisa cu e ta corupto corte y gana su caso tambe.

Aruba por bay dilanti, nos por miho. Pa loke ta e votamento cu scanner, na Brasil tambe miyones di hende a vota di manera electronico cu mashinnan di Diebold. Pero na Merca, tampoco nan no tabata kier votacion electronico, te cu nan a manda e compania aki bancarota caminda cu Dominion a cumpra e mashinnan aki na prijs di baca flaco.

Pero den e mundo di awendia, un potret ta bal mil mentira. Votamento electronico no ta haci diferencia den votamento. E unico diferencia ta con lihe por yega na e resultado. Sea ta e mesun dia of ta e dia siguiente.

Pero e resultado semper tabata t’ey y esun cu ta grita cu tin corupcion, ta Luydens tin cu hib’e hues pa a daña su nomber. Niun hende tin e libertad di yama otro hende pa corupto. Na final di dia, e partido ey ta haya menos voto cu el a haya na firma. Despues kier grita corupcion. Segun Maduro, firma pa un partido no kiermen cu ta vota pe. No ta prome partido cu a pasa den un situacion asina. Esey ta votamento na Aruba, nan ta duna bo chens. Pero chens pa busca voto otro caminda.



Source link

More in Aruba

IMPORTANT ANOUNCEMENT

Advertisement
Advertisement

Trending

Advertisement
Advertisement
To Top