Horcan Lee a rapidamente intensifica den uno categoria 5

Posted on 09/8/2023 10:43 am AST | Updated on 09/8/2023 10:44 am AST

MIAMI – Horcan Lee a intensifica rapidamente den un horcan categoria 5 (e categoria di mas halto) cu biento di 160 miya pa ora, mientras cu e ta moviendo den direccion Caribe. Diahuebs den dia ainda e tabata categoria 1 pero tabata intensificando rapidamente. Tabata mucho tempran pa sa ainda ki efecto e por tin riba e costa este di Merca, pero ta premira cu den fin di siman por tin un miho bista. Esaki ta e di 12 tormenta cu nomber caba, confirmando e cambio di pronostico recientemente, di loke e temporada di Horcan 2023 mester a bira. Nos ta na apenas drentando e di dos mitar di e temporada y ya ta yegando e cantidad cu a keda pronostica. Y manera e ta bayendo, ta premira cu e lo surpasa e cantidad pronostica di entre 14 pa 21 tormenta. E pronostico ‘actualisa’ tabata inclui 70% chens pa entre 14 pa 21 tormenta cu nomber, di cual entre 6 pa 11 por bira horcan y di cual entre 2 pa 5 por bira horcan serio. Aunke formacion di ciclon por sosode cualkier tempo di aña, e temporada oficialmente ta core di 1 di juni pa 30 di November di e caña calendario.